По пауза од 11 години, Борусија Дортмунд стигна до полуфинале во ЛШ каде ќе се соочи со ПСЖ. Добија тврд противник кој ретко прима 4 гола и кој можеше да го смети текот на мечот ако Мората не ја испуштеше оваа 100% шанса, која не се промашува на волку важни натпревари.

Двата шпански претставници се соочија со дебакл и примија по 4 парчиња на првите две реванш четвртфинални средби од ЛШ. Каталонците поведоа во 12 минута, но во 29-та минута Араухо доби црвен, клучен за нивниот распад од 1:4. Атлетико Мадрид загуби 4:2 во неизвесен натпревар на кој одговори со 2 гола после водството на Германците од 2:0 во првиот дел. Првото полуфинале е Борусија - ПСЖ.

Барселона на лето останува без клупска легенда, голем тренерски потенцијал и фудбалски мозок кој многу добро го познава фудбалот. И со веќе најавен отказ на човекот кој ги води, тимот гази и не знае за пораз од 27 јануари. На последните 13 средби на сите натпреварувања има 10 победи и 3 нерешени.

Во една реклама за платформа за избор на хотели чие заштитно лице е токму Јокиќ, актуелниот НБА шампион открива свои искуства за престој во хотелите и што најмногу цени кај нив.

Сè почна на 19 август кога ја отворија сезоната против Лајпциг со победа од 3:2. Осум месеци подоцна стигнаа до скор од неверојатни 25 победи, 4 нерешени и 0 порази, со гол разлика 74:19 или освоени 79 бодови, 16 повеќе од Баерн, на 5 кола до крај. Ќе се зборува и прераскажува со години ова нивно ремек дело, кое сигурно веќе служи како инспирација за документарен филм.

Јака трка за титулата водат Галатасарај и Фенербахче. Ситуацијата на табела е +2 во корист на првите кои во претпоследно коло се домаќини на нивното соочување. Синоќа Галасарај ја доби Аланијаспор со 0:4, а Зиеш атрактивен во својот препознатлив стил. Голманот само ја гледаше.

По 11 години минати на европска сцена, Фелипе Андресон одлучи да се врати во родниот Бразил каде ќе ја продолжи кариерата. Иако еден познат италијански весник „му одбра“ друга средина.

Интересен напаѓач е Џанлука Скамака и не за џабе има 15 настапи за Италија. Откако се врати од Вест Хем на домашно тло, сезонава има 14 гола за Аталанта. Му даде два на Ливерпул на гости во ЛЕ, а синоќа имаше гол и асистенција против Верона (2:2). Како домаќински си ја намести сам, нема бранење ова.

Иако има 21 година, Кол Палмер руши сè пред се. Стана прв играч на Челси после Френк Лампард со 4 гола на еден меч, па дури и го стигна Халанд на листата на стрелци.

Во новата сезона од најдобрата кинеска Суперлига се одиграа веќе 6 кола. Први на табела се Шангај Шенхуа и Ченгду Ронгченг. Овие вториве гостувале кај Чангчун Јатаи, губеле 1-0 но направиле голем пресврт во последните моменти од мечот. Прво во 90+5’ минута Бразилецот Фелипе постигнал чудесен гол со ножички за кои сам си асистирал. Кандидат за гол на сезоната и награда „Ференц Пушкаш“. Во 90+18’ Веи Шинхао дал гол за победа 1-2.

Ханза Рошток е второлигаш и во моментов после 29 кола се наоѓа на 16-то место од 18 во германската втора лига. Секој бод им е од огромно значење. На пет кола пред крајот имаат исто бодови со два тима пред нив на табела, по 31 и ќе водат грчевита борба за опстанок. Минатиот викенд од Рошток до Берлин (232 километри, 2 ипол - три часа возење со кола) дошле 25.000 навивачи на Ханза.

Челси понеделнички се отвори со дури 6 парчиња во мрежата на Евертон од кои 4 се на Кол Палмер. За пенал бе фатија да се расправаат, па потоа Покетино им одржа лекција.

Големо и језиво бре ова под трибина на игралиштето на ФФМ. Смок ли е, што ли е? Деца, пазете каде ги рогате тоа топките.

Валенсија ја доби Осасуна на гости со 0:1, а хрватскиот напаѓач Анте Будимир после ова веројатно за последен пат ќе добие можност да шутира пенал за својот тим. Погледнете го што успеа да изведе и тоа во судиското продолжение.

Фудбалот носи возбуда и дополнителен шмек кога ќе се случат примери како Порто кога освои ЛШ, Лестер Премиер лига, пред сите оние милијарди на ултра богатите и кога ќе се најдат јунаци кои ќе го прекинат монополот на еден Баерн Минхен. Колку само мака видоа за да стигнат до тронот. Годиништа.

Во 2009-та година ФИФА предводена од Сеп Блатер воведе награда за гол на годината и ја крсти „Ференц Пушкаш“ во чест на легендарниот фудбалер на Реал и селекцијата на Унгарија. Во тоа време сметан за најмоќен напаѓач со 806 клупски гола на 793 натпревари, како и 86 репрезентативни на 90 настапи, рекордни бројки за тоа време. Првата награда ја сефтоса Кристијано со луда бомба против Порто во ЛШ.

Невообичаен настан имало на мечот меѓу нисколигашите Горно Синковце и Радник во српскиот фудбал. Змија се појавила на теренот и ги исплашила присутните. Судијата испаднал најхрабар, ја фатил со раце да ја фрли, два пати го каснала, но успеал да се ослободи од неа.

Сосема неочекувано Фенербахче имал големи маки на гостувањето кај давеникот Фатих Карагумрук во турската Суперлига. Лидерот на табелата Фенер победи 1-2 со головите на Един Џеко во 49-та и Мичи Батшуаји во 57-ма минута од пенал. Домаќините претходно израмнија на истек на првиот дел а во последните секунди имаа и огромна шанса за бод. Хрватскиот голман Доминик Ливаковиќ со врвна парада спаси победа и три бода за Фенербахче кој е прв на табела со 2 бода пред Галатасарај кој има меч помалку.

Баер Леверкузен ја освои првата шампионска титула во својата 119-годишна клупска историја и влезе во редот на клубовите кои станале прваци на Германија. Баерн е тука неприкосновен и ќе владее уште долго. На листата има уште некои интересни клубови кои веќе одамна не конкурираат за врвот а некогаш биле шампиони.

Големо фудбалско име од Премиер лигата викендов ни дојде во Скопје, па дури нешто и од кампањата за избори фати, тоест го спомнаа во тој контекст.

Четириесет и две годишниот Баскијец кој во својата играчка кариера освои бројни трофеи со Ливерпул, Реал Мадрид и Баерн Минхен, сега се докажува како еден од најврвните тренери на светот. Чаби Алонсо направи чудо со Баер Леверкузен, им ја донесе првата шампионска титула во 119-годишната историја а имаат и серија од 43 меча без пораз!

Фудбалерите на Баер Леверкузен, предводени од сјајниот Чаби Алонсо го остварија сонот чекан цели 119 години - прва шампионска титула за клубот чии навивачи денес се во делириум.

Со фаулите и „фаулите“ во фудбалот се оди од една во друга крајност. Ако Барселона и Реал викендов си имаа работа со двајца манипулатори, англискиот четвртолигаш Гилингем се соочи со човек без осет. Се работи за извесен Џорџ Реј од Бароу кој повеќе од јасно е дека за ваков криминален стар ќе добие црвен. 10 минути му пружале лекарска помош на кутриот Џош Вокер кој потоа го вратиле во игра, ама по 10 минути го извадиле, а само што влегол.

И Барса и Реал синоќа славеа 0:1 на гостувањата против Кадиз и Мајорка. И на двете средби бележиме двајца торковци од домашните екипи кои заслужуваат жолти картони, а и по една воспитна за нивното некоректно однесување, односно лажирање на прекршок. Во немоќ да го спречат Белингем двајца играчи на Мајорка, едниот ај погодете што направи. Се држеше за лице и падна на земја, а на забавената снимка убаво се гледа дека Англичанецот му го допира грбот.