Во 11. коло од мексиканската Лига МХ, Клуб Тихуана и Атлас одиграле синоќа неверојатен натпревар на кој домаќините воделе 3-0 а гостите на крај победиле 3:4 со голови во 61-ва, 82-ра, 87-ма и 90+10' минута. Пресвртот го најавил Дорија со невозможен погодок со потег шкорпион, а Србинот Урош Ѓурѓевиќ постигнал хет-трик од 82-ра до 90+10-та минута за конечни 3-4.

Арсенал успеа да освои бод и да избегне пораз на „Олд Трафорд“ против Манчестер Јунајтед во натпревар кој заврши 1:1 само благодарение на голманот на „топџиите“ Давид Раја. После ова Арсенал има дури 15 бода помалку во однос на водечкиот Ливерпул.

Во 5. коло од австралиската регионална фудбалска лига НПЛ Викторија, клубот на македонската дијаспора Престон Лајонс со 2-0 го совладал тимот на Јужен Мелбурн кој е клуб основан и бодрен од грчката дијаспора во Австралија. Ова е прва победа на „лавовите“ против Јужен Мелбурн после скоро четири децении.

Арсенал уште еднаш ги разочара своите навивачи, откако ремизираше 1-1 против најслабиот Манчестер Јунајтед во последните неколку години. „Топџиите“ одиграа само 1-1 и се спасија од пораз затоа што нивниот голман Шпанецот Раја на неколку пати спасуваше чист гол. Сега бодовната разлика меѓу првиот (Ливерпул) и вториот (Арсенал) на табела во Премиер лига е цели 15 бода. Трката за титулата практично како да подзавршува.

Реал Мадрид потешко од очекувањата со 2-1 го совлада Рајо Ваљекано и го искористи киксот и поразот на градскиот ривал Атлетико Мадрид за да го престигне на табелата. Сега Барселона е прва со 57 бода колку што има и Реал Мадрид но Каталонците имаат натпревар помалку. Реал славеше со головите на Мбапе во 30' минута и мајсторијата на Винисиус Жуниор во 34-та минута.

Во клучниот дел од сезоната најтрофејниот италијански клуб Јувентус игра мизерно. По срамното испаѓање од италијанскиот Куп дома од Емполи, бјанконерите испаднаа и од Лига на шампиони (ПСВ). Во неделата вечер Аталанта ги декласираше на нивен терен 0:4 и им го нанесе најтешкиот пораз со децении.

Стариот добар Клаудио Раниери уште еднаш потврди дека е мајстор на својот занает. Тој се врати од пензија со цел да и помогне на саканата Рома која беше во сериозна криза. Сега со него на клупата Рома има 6 победи по ред (5 во Серија А). Попладнево го совладаа Емполи 0-1 со гол на сјајниот млад аргентински бисер Матијас Суле. Во 22-ра секунда, гол кој влегува на листата најбрзи во историјата на италијанскиот фудбал.

Тренерот на женската фудбалска екипа Вејк Форест во универзитетската лига на САД, Тони да Луз, фрустриран од промашен пенал на неговиот тим, се заглави во една корпа до резервната клупа.

За време на дуелот од 22. коло на фудбалската лига на Иран меѓу Алуминиум Арак и Зоб Ахан кој завршил 2-0, гостинскиот бек Надер Мохамади повторно го потсети фудбалскиот свет дека тој ги изведува најлудите аути.

Македонскиот репрезентативец Елиф Елмас денес постигна нов погодок за Торино во италијанската Серија А, против Парма на гости во натпревар кој заврши 2:2. Елмас блеска по враќањето во Италија и ова му е трет гол. Претходно стрелаше против Монца кога доби награда за играч на натпреварот а погоди и против Болоња.

Португалскиот ас постигна нов гол за саудискиот Ал Наср. Вкупно 926. погодок во неговата блескава кариера со што се приближи до чудесната бројка од 1.000 гола која му е нескриена цел.

Не сме налетале до сега на ваква сторија и реалност, а тоа е некој со толку силна биографија да залута во македонскиот фудбал, па макар и што е генерација со Серхио Рамос.

Во италијанската втора лига Серија Б, во екипата на Чезена брани Џонатан Клинсман. Голманот е син на легендарниот Јирген. Чезена во моментов е на 6. место на табела со 40 бода, а тоа место води во баражот за Серија А. Клинсман-помалиот на средбата против Салернитана требал да брани пенал во 82-ра минута. Го прашал детето задолжено за фаќање топки на која страна да се фрли? Му рекол на десна. Откако го одбранил пеналот со парада во десно, Џонатан Клинсман му го подарил дресот на малиот Иван.

Вердер Бремен е еден од најстарите германски клубови. Основан е пред 126 години. Вердер има 4 шампионски титули во германска Бундеслига а дури 7 пати биле вицешампиони на второ место. Имаат и 6 шампионски пехари во германскиот Куп и четири германски Суперкупа. Во 1992-ра освоија и Куп на Купови. Убави страници од нивната историја испиша и Бразилецот Диего.

Ретро старо точно 30 години од полуфиналето во Купот на УЕФА. Јуве дома игра 2:2 против Борусија Дортмунд. На гости е 1:1, за потоа на слободен удар да застане едно од најлегендарните италијански фудбалски имиња. На терен се и ликови како Дел Пјеро, Раванели, Конте и Дешамп, а на клупа е Марчело Липи. Борусија тогаш ја води Отмар Хицфилд.

Новинар го прашува Симоне Инѕаги дали Интер оди на двојна круна, ама доби друг одговор кој не е воопшто лесен за остварување. Во Серија А се први, ама на само 1 бод пред Наполи и 3 од Аталанта. Во Куп се стигнати до полуфинале каде ги чека градско дерби, а во ЛШ се осминафиналисти со предност од првиот дуел против Феенорд од 0:2. Последен кој донесе тројна круна во Милано е Жозе Мурињо во 2010-та.

Навивачите на Манчестер Јунајтед се изненадени и самите од резултатот 1-1 на гостувањето кај Реал Сосиедад во осминафинале на Лига Европа, затоа што англискиот состав допатува без многу отсутни фудбалери кои се повредени. Извадија поволен резултат пред реваншот на „Олд Трафорд“. А можеше да биде уште подобро ако десниот бек Диого Дало се решеше да не биде себичен додека Хојлунд беше сам пред гол.

Пауло Фонсека окрка дебела суспензија од 9 месеци поради агресија врз судијата за време на натпреварот против Брест во домашното првенство. Синоќа Лион ја доби Стеауа Букурешт на гости со 1:3, а после еден од головите играчите го гушнаа својот тренер, кој реагираше емотивно.

Јагелонија го суреди Серкл Бриж со три комада во рок 9 минути, во периодот од 69-та до 78 минута, на првиот осминафинален меч од Конференциската лига. Напаѓачот од Ангола Афимико Пулулу ги воодушеви своите соиграчи со акробација на која се држеа за глава. Дарко Чурлинов играше до 61-ма минута.

Во рок од 5 дена Лацио победува на гости со гол во 98-ма минута и тоа со идентичен резултат 1:2. Прво го срушија Милан со пеналот на Педро, а синоќа и Викторија Плзен со убавиот гол на Густав Исаксен за растеретување во реванш осминафиналето од Лига Европа следната недела. Римјаните добија два црвени во 77-ма и 93 минута. Прво беше исклучен Ровела, а потоа и Жигот. Шпанскиот ветеран направија фотографија во соблекувалната со 14 години помладиот Данец. 

Во дербито на вечерта, Рома со 2-1 го совлада Атлетик Билбао во првиот натпревар од осминафинале на Лига Европа. Гостите од Билбао први поведоа преку нивниот најдобар играч Ињаки Вилијамс во 50' минута. Рома израмни само осум минути подоцна преку левиот бек Анхелињо во 56-та минута. А на крајот во последните моменти од мечот, во 90+3' минута од судиско продолжение, Елдор Шомуродов постигна гол за победа и делириум на трибините на „Олимпико“. Баскијците од 85-та минута играа со играч помалку по црвениот картон на Јерај Алварез.

Ренџерс прописно го растури Фенербахче среде Истанбул со 1-3 во првиот меч од осминафинале на Лига Европа. На шкотскиот тим притоа му поништија два гола. После натпреварот за време на новинарски прашања на прес-конференција Мурињо се правеше дека му се спие од досада.

Со две раце го потпишуваме ова што го зборува. Невиден цар кој е 1.000% во право.

Оливие Тебили беше фудбалер од Брег на Слонова Коска кој во 2000-те години играше за француските Ниор и Шатеру, а подоцна настапуваше за Селтик, Бирмингем Сити и Торонто. Еднаш во англискиот фудбал ќе постигнеше ефектен автогол.