Запрепастувачки тивко мина веста дека американската анти-допинг агенција (USADA) ги криела информациите од Светската антидопинг агенција (WADA), вест која се појави на почетокот на август и остана без сериозен одек.

Само благодарение на триумфот од 2:0 од првиот дуел од баражот за Лига Конференции, Челси влегува во групна фаза. Клубот кој потроши буквално 1,5 милијарди евра на засилувања во претходните неколку години, синоќа изгуби 2-1 од швајцарски Сервет кој во швајцарската лига е седмо место на табела. Што стана од некогашниот Челси кој беше страв и трепет во светски размери?

Швајцарски Сент Гален одигра 1:1 во реваншот од Лига Конференции со турски Трабзонспор на гости во Турција. Првиот натпревар заврши 0:0 па според правилникот мечот отиде во продолженија па кога не се реши ни таму, се премина на пенали. Гостите победија на пенали откако решавачкиот пенал лудо храбро го изведе 25-годишниот стопер Стефан Амбросиус за лудо славје на навивачите и соиграчите.

Насер Ал Келаифи, претседателот на ПСЖ беше еден од многумината кој бледо го гледаа извлекувањето на ждрепка за новата сезона во Лига на шампиони, во нов формат. Ко да полага за пилот.

Вечерва во Монако во седиштето на УЕФА се извлече ждрепка за новата сезона од Лига на шампиони, елитниот турнир кој во новото издание ќе се игра во целосно нов формат. Нема веќе групна фаза.

Доаѓа Скот Мектоминеј од Манчестер Јунајтед. Пристоен, сосема коректен играч. Наполи за него плаќа сума меѓу 25 и 30 милиони евра. Денес го пречекале навивачи во градот ко да е светска ѕвезда.

Дваесет и шест годишниот Словенец Тими Макс Елшник веќе ги освои навивачите на Црвена Звезда. Тој во рок од само неколку недели настапи на Европско првенство за својата Словенија каде блескаше, потоа потпиша со Црвена Звезда со која синоќа влезе во Лига на шампиони. Огромен успех во само краток временски период. На новинарско прашање кого би сакал на ждрепката вечерва, тој вели:

Во лаф муабет, некогашните соиграчи од Манчестер Јунајтед кои беа ударни тупаници на четата на Сер Алекс Фергусон, зборуваат на разни теми. Роналдо надмено вели: „Имам скоро 900 гола, цел ми е да постигнам 1.000. Со тоа што од моите голови за разлика од некои други има видеа“. „Копиле си“, му одговара Рио во смеа.

Во баражот за Лига Конференции, Челси вечерва му гостува на швајцарски Сервет. Првиот натпревар во Лондон Челси го доби 2-0. Пред мечот на Твитер, Челси на својот налог објави „Сервет доаѓаме“, а Швајцарците им одговорија шмекерски.

Српскиот и хрватскиот шампион и натаму се ударни локомотиви на регионалниот фудбал. Во Лига на шампиони ќе играат четворица македонски фудбалери од кои двајца се членови на „модрите“.

Швајцарски Јанг Бојс направи големо изненадување откако го исфрли од Лига на шампиони далеку побогатиот Галатасарај. Јанг Бојс го доби првиот меч во Швајцарија 3:2, а славеше и синоќа на реваншот среде Истанбул 0-1. Голот го даде Алан Вирџиниус во 86' минута а домашниот голман ветеранот Муслера од нервоза и фрустрација го шутна противничкиот фудбалер и доби директен црвен картон.

Барселона е единствена екипа со 9 освоени бода после 3 кола во шпанска Ла Лига откако синоќа го преброди тешкото гостување кај Рајо Ваљекано. Домаќинот прв поведе уште во 9' минута а Барселона израмни после час игра преку Педри. На стартот на вториот дел во игра влезе и европскиот шампион со Шпанија Дани Олмо кој конечно беше регистриран од клубот да може да игра во Ла Лига и токму тој со гол донесе голем пресврт и триумф 1-2.

За осумнаесет годишниот Нестори Иранкунда од Танзанија пишувавме неколку пати во изминатите години кога како голобрадо момче правеше дар-мар на фудбалските терени во Австралија. Роден во Кигома, во Танзанија, тој дошол со седум браќа и сестри и неговите родители кои се од Бурунди во Западна Австралија. Таму заиграл фудбал за Аделаиде каде се прославил. Скаутите на Баерн го забележале и го купиле за речиси 3 милиони евра.

Одамна, како фудбалер на Реал Мадрид, пред неколку години Кристијано Роналдо гостува во Доњецк на дуел со Шахтјор во Лига на шампиони. Контролорката фасцинирана од Португалецот му праќа насмевки.

Ерлинг Халанд продолжува во својот стил со ѕверски настапи за Манчестер Сити. На 101 меч веќе има 94 гола од кои 10 му се хет-трик! 13 му се со десна, 68 со лева, 12 со глава.

Чилеанскиот голман Клаудио Браво (41) кој во кариерата бранеше за неколку клубови меѓу кои и за Барселона и Манчестер Сити, отворено рекол како е Барселона организационо на ниво на мал, селски клуб додека Сити е многу сериозна организација. И не бил далеку од вистината.

Во 3. коло од шпанска Ла Лига, Виљареал и Селта Виго одиграа луд натпревар со дури 7 гола. Гостите водеа 0-1, па 1-2, па домашните направија пресврт 3-2 и на крај во последни секунди при резултат 3:3, младиот гостински фудбалер Уго Алварез прави тотално непотребен и непромислен пенал врз 21-годишниот Французин Тиерно Бари во 97-ма минута од судиското продолжение. Ветеранот Дани Парехо промаши ама натрча на одбиена топка и даде гол за победа 4:3.

Во понеделникот попладне семејството на шведскиот легендарен тренер Свен Горан Ериксон соопшти дека тој починал на 76-годишна возраст после долго и тешко боледување. Донесе трофеи каде и да беше тренер во богатата кариера а се прослави на клупата на Лацио.

На 76-годишна возраст почина прославениот шведски стручњак кој го напушта светот после долго боледување.

Диего Симеоне и Атлетико Мадрид добија големи засилувања летово. Екипата со победа над Жирона од 3-0 ја започна сезоната во која сака берба на трофеи во домашните натпреварувања и еврокуповите. Антоан Гризман со прекрасен гол од слободен удар го отвори резултатот а на 2-0 зголеми Маркос Љоренте со можеби уште појак гол. Капитенот Коке ги постави конечните 3-0 во судиско продолжение. На мечов за Жирона дебитираше и Бојан Миовски во 59’ минута кога влезе од клупа за резерви.

Арсенал го преброди тешкото гостување кај Астон Вила во Бирмингем и славеше 0-2. На овој натпревар судијата подели жолти картони во една епизода кога МекГин со сета сила рогна топка во Салиба а Бен Вајт во истиот момент рогна топка во МекГин.

Еден навивач на Брајтон стана хит на друштвените мрежи откако беше забележан како слави победа на неговиот тим против Манчестер Јунајтед со гол во длабоко судиско продолжение во 90+5’ минута. Фатен во кадар со маска од галеб како што е прекарот на Брајтон („галеби“) веднаш зад фрустрираниот Тен Хаг.

Македонскиот репрезентативен центарфор Бојан Миовски синоќа дебитираше за новиот клуб Жирона кој лани беше најголемо изненадување во Европа, долго време беше прв на табела и на крај обезбеди пласман во Лига на шампиони. Жирона синоќа му гостуваше на силниот Атлетико Мадрид и загуби 3:0. Бојан Миовски влезе во 59’ минута место шпицот Абел Руиз и после само десетина минути имаше голема шанса за гол но Јан Облак му одбрани.

Вест Хем оствари многу важен триумф на гости кај Кристал Палас 0:2. Овој дуел го одбележа една епизода со јунакот на гостите Томаш Сучек од Чешка кој спаси едно дете кое беше потиснато од рекламно пано. И епизода со Бразилецот Лукас Пакета кој при еден слободен удар на Кристал Палас мислел дека овие играле со топката, па се залета да им ја земе за контра.