Многумина присутни гледачи и оние крај тв екраните останаа зачудени поради тоа што линискиот судија од Италија, Алесандро Џалатини, помошник на главниот судија Маријани, почна да плаче по натпреварот во Лајпциг, а тренерот на домашните, Марко Розе дојде да го утеши.
Никој не знаеше за што станува збор, а набрзо подоцна се откри.
Тренерот Марко Розе откри дека Џалатини се расплакал поради тоа што го работел последниот меч како судија, односно заминува во пензија.
Натпреварот веќе беше завршен а фудбалерите од двата тима и членови на стручните штабови се поздравуваа пред да заминат во соблекувалните. Во еден момент Џалатини кој во 2020-та година беше линиски судија и помошник на Даниеле Орсато на големото финале во Лига на шампиони меѓу Баерн Минхен и ПСЖ, заплака.
49-годишниот Римјанин кој во кариерата илјадници пати го кревал знаменцето, важи за еден од најдобрите линиски судии во Европа.
Дебитирал во Серија А на 1. ноември 2009-та на мечот Каљари - Аталанта а после станал меѓународен помошник судија во јануари 2013-та.
Судел како линиски судија на 31 меч во Лига на шампиони и на 11 во Лига Европа, како и 3 на Светско првенство 2022 и 4 на Европско првенство 2024.
