Балак, Нојвил, Бербатов, Улф Кирстен

Патот после кој Баер Леверкузен стана Неверкузен

Прекрасната сезона на Аспиринџиите во која победуваа секој и секаде заврши неславно затоа што во рок од две недели загубија во клучните битки на сите три фронта и не освоија ниту еден трофеј.

Тргнаа од третото квалификациско коло каде ја минаа Црвена звезда. Во првата групна фаза од ЛШ во која играа против Олимпик Лион, Барселона и Фенербахче, Аспиринџиите лесно се пласираа понатаму

Следуваше втората групната фаза, во која Баер го освои првото место во пеколна конкуренција со Депортиво, Арсенал и Јувентус. Таа група ќе остане запаметена по најчудните резултати (Јуве во 1. коло го победи Баер 4:0, Баер го совлада Депор со 3:0, па загуби од Арсенал 4:1 и го победи Јуве 3:1 дома).

Во четвртфиналето им падна Ливерпул кој на Енфилд славеше 1:0 со голот на легендарниот капитен и подоцна тренер на Баер, Финецот Сами Хипија. Реваншот го доби Леверкузен со 4:2 и закажа полуфинале против Јунајтед. На Олд Трафорд Манчестер два пати водеше, но Германците упорно се изборија за 2:2. Реваншот заврши 1:1 и Баер за првпат во својата историја обезбеди пласман во големото финале, против Реал Мадрид во Глазгов.

Раул и Лусио дадоа по гол до 14-т минута за Зинедин Зидан да го постигне незаборавниот гол од волеј за конечни 1-2. Таа фамозна сезона 2001/2002 Баер Леверкузен имаше сериозна шанса да ја освои тројната круна, но најпрвин им избега титулата во Бундеслигата на 2. кола пред крајот, а набрзо загубија и во финалето на германскиот Куп.

Најдобра илустрација на таа сезона на клубот кој последниот голем трофеј го освои во 1993. година беше прекарот Неверкузен.

Ханс-Јорг Бут

Тогаш имаше 27 години. Бранеше на 17 натпревари таа сезона, прими 28 голови во ЛШ а успеа дури и да даде еден гол. Во моментов има 41 година и се занимава со продажба и маркетинг како семеен бизнис и дополнително продавал метални врати за магацини.

Јенс Новотни

Со 28 години беше капитен и командант на одбраната. Одигра 14 натпревари во ЛШ. Денес на 42 години им помага на гладните деца во Камбоџа и болните деца во Германија.

Лусио

Еден од најдобрите бразилски стопери кои играл во Европа. Со 24 години беше непробиен бедем пред голот на Леверкузен. На 16 меча таа сезона постигна 3 гола. Сега на 37 години игра во индискиот клуб Гоа.

Томас Клаине

Имаше 24 години и одигра само еден натпревар со оваа генерација на Баер. Во моментов има 38 години и е главен тренер на втората екипа на Гројтер Фурт.

Диего Пласенте

Со 25 години важеше за еден од подобрите леви бекови на стариот континент. Стандардно играше за Аргентина, а за Аспирините настапи на 16 меча. Сега работи како стручњак за аргентинска телевизија и држи пицерија во родниот град. Има 38 години.

Борис Живковиќ

Хрватскиот репрезентативец имаше 26 години и како бек одигра 14 средби. Сега има 40 години и работи како менаџер, агент заедно со Марио Станиќ и Горан Влаовиќ.

Золтан Себескен

Бек. Имаше 26 години, одигра 14 средби и даде 2 гола. Сега со 40 години работи во консалтинг фирма во Германија.

Паскал Ожигве

Со 25 години играше во средниот ред и се појави на 4 средби од ЛШ. Во моментов гради политичка кариера во Нигерија каде живее со семејството.

Карстен Рамелов

28 години, заменик капитен и стандарден репрезентативец на Панцерите. Одигра 14 натпревари, даде 1 гол. Денес има 42 години, почесен капитен е на Баер Леверкузен и работи како бизнисмен.

Марко Бабиќ

Лево крило. Беше еден од најмладите во таа генерација со 21 година. Постигна 1 гол на 2 натпревари во ЛШ. Сега на 35 години работи во фудбалската школа која што ја основал со соиграчот од репрезентацијата на Хрватска, Петар Крпан.

Михаел Балак

Со сигурност лидер на тимот и најдобар играч во екипата. Имаше 25 години, постигна 6 голови на 15 меча во ЛШ. Покрај стручните коментари за германските спортски канали, денес има сопствен бизнис, а често и патувал по светот со семејството.

Јурица Врањеш

Хрватот може да се пофали дека на 22 години бил актер на финален меч од ЛШ. Играше на 10 средби, во 2012-та ја заврши кариерата и стана тренер.

Бернд Шнајдер

Бернд Шнајдер беше можеби најстандарден играч. Како офанзивен десен бек настапи на 17 меча, даде 2 гола и со 28 години беше редовен германски репрезентативец. Сега има 42 години и игра за ветераните во родниот град Јена.

Зе Роберто

Неверојатното лево крило одигра 15 средби за Леверкузен таа сезона во ЛШ. Имаше 27 години и постигна 1 гол, но се прослави со асистенциите до соиграчите. Сега има 41 година и уште игра фудбал во Палмеирас.

Јилдирај Баштурк

Турчинот, роден во Германија имаше 23 и важеше за најдобриот техничар во германската Бундеслига. Одигра 17 натпревари, постигна 1 гол во ЛШ. Денес има 37 години и се занимава со недвижнини во германскиот град Бохум.

Улф Кирстен

Ветеранот со искуството многу ѝ значеше на екипата. Имаше 36 години, одигра 12 средби во ЛШ и постигна 3 мошне важни голови. Напаѓачот денес има 50 години и работи како спортски агент и им помага на фудбалските јуниори од Дрезден.

Димитар Бербатов

Бугаринот со 21 година беше една од ударните игли на нападот на Леверкузен. Одигра 11 меча во ЛШ и даде 2 гола. Во моментов има 35-години и е член на грчки ПАОК.

Томас Брдариќ

Во сезоната 2001/2002 имаше 27 години. На 8 средби даде 1 гол. Денес има 41 година и е главен тренер на германскиот четвртолигаш Штаинбах.

Оливер Нојвил

Имаше 29 години кога Леверкузен стигна до финалето на ЛШ. Таа сезона на 15 меча даде 5 голови во Европа и беше меѓу водечките стрелци на екипата. Денес на 42 години е помошник тренер во У-19 на Борусија Менхенгладбах.

Клаус Томпелер

Тогаш 50-годишниот тренер правеше чуда со Баер Леверкузен. Ги победуваше големите европски гиганти. Во моментов има 64 години, а до април 2008. година работеше како селектор на Грузија по што замина во пензија.

Тагови: