На 15-ти август на Мусиала му се слошило и изгубил свест за време на пријателската средба со РБ Лајцпиг. Лекарите тогаш му пружиле прва помош и тој самостојно и свесно го напуштил теренот.
Geçirdiği trafik kazasının ardından bayılma problemi yaşayan Jamal Musiala, 3 gün önce Leipzig maçında yaşadığı bayılmanın ardından bugün Heidenheim karşılaşmasında da yeniden bayıldı 🤯 pic.twitter.com/ICFFIVf6IQ
— MkyFutbol (@mkyfutbol) August 18, 2026
Во вторникот пак се случила иста епизода на дуел против Хајденхајм. Мусиала одново паднал, се срушил на теренот само шест минути откако влегол во игра како резерва. Ги вознемирил соиграчите и фудбалерите на Хајденхајм па сите заедно го сокриле просторот околу него како што обично прават фудбалерите за да не се снимаат непријатни сцени.
Натпреварот бил прекинат, Мусиала бил прегледан од лекарите неколку минути на теренот. Одново сам станал на нозе и со поддршка на помошниот тренер го напуштил теренот во 69' минута.
МУСИАЛА ИМАЛ „КРАТКОВРЕМЕНИ ЕПИЗОДИ НА ОТСУСТВО ПОРАДИ НЕВРОЛОШКА ДИСФУНКЦИЈА“, А ТОА СЕ ЛЕКУВА
Џамал Мусиала самиот излезе со објава на инстаграм веднаш после второто онесвестување во три дена:
„Прво со најглавното - со мене се е во ред! Пред се неверојатно сум благодарен за сите ваши пораки и вашата поддршка! Сфаќам дека многумина се вознемиривте поради мене. Денес сакам да ги отстранам сите загрижености и дозволете ми подробно да ви објаснам:
Дијагностицирани ми се кратки, минливи епизоди на гувење свест, предизвикани од невролошка дисфункција кои лесно се лекуваат. Тие може да доведат до инциденти како оние кои неодамна ми се случија, на пример на натпреварот против Лајпциг а сега и во Хајденхајм. Знам дека на прв поглед може да делуваат загрижувачки, но за мене тие сега се само дел од секојдневието.
Во тој поглед добивам најдобра можна медицинска нега и многу сум оптимистичен. Баерн и најблиските луѓе се до мене и ми пружаат најдобра поддршка на овој пат.
Важно е да напоменам дека не постојат никакви здравствени ризици. По консултациите и редовни разговори со специјалистите, мојата лична желба беше храбро да се соочам со овој предизвик и со одобрение од невролог, да го правам тоа што најмногу му помага на мојот опоравок: едноставно да го живеам својот секојдневен живот и да се занимавам со тоа што најмногу го сакам - да играм фудбал. Во целост преземав одговорност за оваа одлука.
Се на се, имам многу добро претчуство и на прав пат сум. Она што најмногу ми помага е тоа што продолжувам да се борам за победи и титули заедно со екипата секако со ваша неверојатно поддршка. Се надевам дека ова ќе ви помогне подобро да ме разберете. Истовремено ве молам за разбирање во врска со мојата желба оваа работа да ја задржам во кругот на моите најблиски луѓе од доверба, со клубот и стручњаците“.
Пред четири дена, на Мусиала му се слошило во 83' минута од дуелот со РБ Лајпциг (3-1) откако постигнал гол. До него веднаш истрчал Исмаел Саибари и не му дозволил да се сруши на теренот. Лекарите неколку минути му пружале помош на 23-годишниот фудбалер. Мусиала тогаш сам отишол од теренот.
Џамал имал проблем со вртоглавица и циркулација. Првичните прегледи кои ги извршил медицинскиот состав на Баерн не покажале никакви неправилности.
По пишување на Билд, Мусиала во понеделникот одработил индивидуален тренинг, работел со шут и дриблинг. За време на тренингот немал никакви проблеми и успешни го поминал тестот за физичка издржливост.
По тренингот Мусиала делел автограми на навивачите на Баерн Минхен. Делувал среќно и се чинило дека се опоравил. Но и натаму пости загриженост за неговата состојба дури и по неговата објава дека сè во ред.
