На денешната ждрепка имаше 48 екипи: 17 квалификувани директно, 21 квалификувана преку плејофот, 6 елиминирани од плејофот за Лига на шампиони, 4 елиминирани во третото квалификациско коло на Лига на шампиони.
Ждрепката ја водеа Џорџо Маркети, генералниот секретар на УЕФА и легендарниот Ернан Креспо.
ПАРОВИ ГРУПНА ФАЗА НА ЛИГА ЕВРОПА:
група А: БАЕР ЛЕВЕРКУЗЕН, ЛУДОГОРЕЦ, ЦИРИХ, АЕК ЛАРНАКА.
група Б: САЛЦБУРГ, СЕЛТИК, ЛАЈПЦИГ, РОЗЕНБОРГ.
група Ц: ЗЕНИТ, КОПЕНХАГЕН, БОРДО, СЛАВИЈА ПРАГА.
група Д: АНДЕРЛЕХТ, ФЕНЕРБАХЧЕ, ДИНАМО ЗАГРЕБ, СПАРТАК ТРНАВА.
група Е: АРСЕНАЛ, СПОРТИНГ ЛИСАБОН, КАРАБАГ, ВОРКСЛА.
група Ф: ОЛИМПИЈАКОС, МИЛАН, БЕТИС, ДУДЕЛАНЖ.
група Г: ВИЉАРЕАЛ, РАПИД ВИЕНА, СПАРТАК МОСКВА, РЕНЏЕРС.
група Х: ЛАЦИО, МАРСЕЈ, ФРАНКФУРТ, АПОЛОН ЛИМАСОЛ.
група И: БЕШИКТАШ, ГЕНК, МАЛМЕ, САПСБОРГ.
група Ј: СЕВИЉА, КРАСНОДАР, СТАНДАРД ЛИЕЖ, АКХИШАР СПОРТ.
група К: ДИНАМО КИЕВ, АСТАНА, РЕН, ЈАБЛОНЕЦ
група Л: ЧЕЛСИ, ПАОК, БАТЕ БОРИСОВ, ВИДЕОТОН.
Групната фаза на Лига Европа започнува на 20 септември, а последното коло ќе се игра на 13 декември. Шеснаестина-финалето е во февруари, осмина-финалето во март, четвртфиналето во април, полуфиналето на почетокот на мај, а финалето е закажано за 29 мај во Баку (Азербејџан).
Од регионов ќе учествуваат Лудогорец, Динамо Загреб, ПАОК и Олимпијакос, а сите останати клубови-учесници од Балканот испаднаа во квалификациите. Интересно, Глазгов Ренџерс првпат после десет години чекање, под палката на Стивен Џерард ќе игра во едно европско натпреварување.
Најголема сензација е Дуделанж, клубот од Луксембург кој направи чудо и се пласираше во Лига Европа откако ги елиминираше Дрита од Косово, па Легија Варшава, и на крајот романски Клуж.
Winner in 1️⃣9️⃣9️⃣9️⃣, @Crespo gets his hands on the 🏆 again!
— UEFA Europa League (@EuropaLeague) August 31, 2018
Your favourites to lift it this season are _________#UELdraw pic.twitter.com/dt6FkhEzan
