АВСТРАЛИЈА - ПЕРУ 0:2 (0:0)
/Кариљо 18’, Гереро 50’/
ФРАНЦИЈА - ДАНСКА 0:0
Перу, една од најдалечните земји учеснички на Мундијалот во Русија имаше најбројна поддршка на Светското. Пишувавме за тоа како многу Перуанци ги продавале своите станови и куќи за да отпатуваат далеку и да ја бодрат својата репрезентација која после 36 години се пласираше на едно Светско.
По 18’ игра во последниот нивен настап на Светското, Кариљо постигна ефектен гол со волеј и многу навивачи од Андите се расплакаа од среќа. Тоа беше и прв гол за Перу на Мундијал од 1982 година (последен стрелец бил Гиљермо Ла Роза во 1982 година):
23': Peru fans have also been some of the most passionate in Russia. Many have sold property, belongings to make it to Russia. And look what that goal means to them. Australia trail 0-1.#WorldCup #AUSPER Live: https://t.co/7m8LDTtcPQ pic.twitter.com/eMLoqqFR80
— The Field (@thefield_in) June 26, 2018
Првото полувреме заврши 1-0 за Перу, а само што започна вториот дел, херојот на нацијата кој доби дозвола за настап на Светското по суспензијата од ФИФА, Гереро зголеми на 2-0:
Франција и Данска ремизираа 0-0 во најдосадниот меч на Светското и освоија по бод со кој се задоволни и двете селекции. „Триколорите“ се први и го чекаат противникот во осминафиналето (Аргентина, Нигерија или Исланд), а Данска ќе игра против Хрватска во нокаут фазата.
Дуелот Франција - Данска беше и првиот меч без постигнат гол на Светското првенство досега.
