Во согласност на дисциплинскиот правилник УЕФА ја суспендираше дисквалификацијата на Русија до крајот на Европското првенство и таа ќе стапи во сила доколку се случи само уште еден инцидент на било кој натпревар на кој игра нивната селекција.
Руската фудбалска федерација за сега е казнета само парично во износ од 150.000 евра, а Европската куќа на фудбалот како причини за тоа ги наведе тепачките, расистичките испади и употребата на пиротехнички средства на руските навивачи на стадионот Велодром во Марсеј за време на мечот меѓу Русија и Англија.
Инаку како што пишува БиБиСи, во инцидентите кои се случија низ улиците на Марсеј биле вклучени 150 "добро тренирани" руски хулигани од кои триесетина се веќе депортирани од Франција, а шестмина Англичани вчера завршија во притвор.
Од брканиците во Марсеј повредени се вкупно 35 навивачи, повеќето од нив Англичани од кои четири посериозно, а вкупно 20 луѓе се уапсени.
