Олд Трафорд уште пред ерата на Фергусон важи за тешко освоива тврдина посебно ако Манчестер Јунајтед води на паузата.
Последен пат кога некој тим успеал да замине со трите поени, а да губел на полувреме, е екипата на Ипсвич. Тоа се случи на 7 мај 1984-та година кога на полувремето Манчестер Јунајтед воделе со 1:0, а на крајот Ипсвич славел со 1:2. По овој пораз, екипата на Ливерпул ја зголеми предноста на пет поени и таа сезона ја освои својата 15-та титула.
Осум години подоцна се оформи Премиер лигата која оваа година слави 21 година и за цело тоа време Манчестер Јунајтед нема загубено натпревар кога води на полувреме.
Од формирањето на Премиер лигата во 1992-та година, Манчестер Јунајтед на полувреме на Олд Трафорд воделе на 212 натпревари и на крајот победиле на 200 од овие натпревари, а само на 12 противникот успеал да освои поен.
Последна ваква победа Манчестер Јунајтед оствари викендов кога по првите 45 минути водеше со 1:0 и на крајот го победи Ливерпул со 2:1.
Последниот тим кој си заминал со поен откако губел на полувреме е Вест Бромвич Албион. На 16 октомври 2010-та година, Манчестер Јунајтед на полувреме водеше со 2:0, а конечниот резултат беше 2:2.
