Во 2000. година, 18-годишното момче ги спакува куферите и без никакво обештетување замина во Астон Вила, каде ја заврши последната фаза во сениорскиот фудбал. Во Бирмингем не беа спремни да се кладат на Хицлшпергер. Дебитираше против Ливерпул, а потоа замина на позајмица во Честерфилд каде редовно играше во првиот тим. Томас се покажа како сериозен играч со разорен шут (доби прекар Хамерот), имаше пристојна техника и физичка издржливост. Во 2004. година, стигна и до германската репрезентација.
Навивачите на Вила го сакаа неговиот смешен акцент додека зборува англиски, но односот со Дејвид О'Лири не беше сјаен. Во 2005. година, Хицлшпергер одлучи да се пресели во Штутгарт. Таму беше клучниот период од неговата кариера, кога со Германија освои бронза на СП и сребро на ЕП 2008. Со Штутгарт во 2007. година Томас ја освои Бундеслигата. По заминувањето на Фернандо Меиер, Хицлшпергер го именуваа за капитен на Штутгарт, но на крајот од 2009. година новиот тренер Маркус Бабел не сметаше на него. Тогаш почна брзиот пад во кариерата на Томас.
Лацио, Вест Хем, Волфсбург и Евертон беа следни дестинации за три сезони на германскиот играч од средниот ред. Редовните повреди и трајните премини од еден во друг клуб го убија интересот за фудбалот кај него. Во септември 2013-та, 31-годишниот Хицлшпергер одлучи да се повлече од фудбалот.
И покрај големиот интерес кон економијата и банкарството, Хицлшпергер не го напушти целосно фудбалот. Сега е стручен коментатор на мечевите од Бундеслигата на каналот Фокс Спортс.
