Мароко како домаќин на турнирот има огромна поддршка од трибините. Синоќа против Нигерија како и на сите досегашни натпревари домашните навивачи грмеа во текот на целиот дуел, а кога противникот имаше посед на топка, свирежите достигнуваа рекордна бучава.
Кулминацијата беше на пеналите кои дојдоа откако во основното време и продолженијата немаше пенали. Јунак на мечот беше голманот Боно кој блескаше и на Светското првенство 2022 за Мароко. Боно им бранеше пенали на Самуел Чуквуезе и на Бруно Оњемаечи. Мароко ќе има шанса да стигне до пехарот кој го чека уште од 1976-та година!
