Овие 50 бодови остварени од избраниците на Маурицио Сари во првите 22 бода претставуваат рекорд на клубот. Наполи има 8 бода повеќе од лани ова време и 6 повеќе од преклани. Во последната година Мацари освои 46 бода на 22 меча.
Со триумфот над Емполи од 5:1 Наполитанците стигнаа до 6-та победа во низа, што не се случило од сезоната 1987/1988 со Марадона и шести пат сезонава постигнуваат по 5 гола. По ремито со Рома без голови на 13 декември, оваа екипа постигнува импресивни 3,66 гола во просек по натпревар.
На 31 одигран меч во Серија А, Куп на Италија и Лига Европа, Наполи има постигнато минимум 2 гола на 23 меча (74,2%), а вкупниот просек до сега оваа сезона им е 2,4 голови по натпревар.
Најопасното дуо во напад оваа сезона во Серија А е Игуаин – Инсиње кои заедно имаат 32 гола или повеќе од 15 екипи од Серија А. Поефикасни од нив се само Јувентус, Фиорентина, Рома и Сампдорија.
Игуарин како лидер на табелата на стрелци има 22 гола на 22 меча, а Емполи е еден од ретките тимови кои сезонава не прими гол од него.
На последните 6 победнички меча на Наполи, Аргентинецот стигна до 8 погодоци и има 10 гола повеќе од второпласираните Едер и Дибала.
