Иле Несторовски има многу капитенски сенс

Македонскиот репрезентативец не е голем само затоа што дава голови и што достојно го брани сицилијанскиот дрес, тоа му е работа, туку и поради тоа што знае да повлече вистински капитенски потези и кога не оди на работа.

На неколку дена пред католички Божиќ, Нестогол заедно со клупските колеги Цезар Фалети и Алберто Помини замина во посета на една болница во Палермо, поточно во одделот за педијатриска онкогематологија.

Се сретнаа со малите херои кои го играат најтешкиот натпревар, им дадоа подароци, автограми и им посакаа да им возвратат со гостување на Ренцо Барбера. Браво за Иле и колегите. Ете затоа им стана идол на навивачите на Палермо кои чекаат во редици за да се сликаат со него.

Шампион е и на терен и надвор од него.

20 декември 2018 - 16:23