Откако синоќа го сторив тоа лично, сега сакам повторно да им се заблагодарам на навивачите со кои се сретнав вчера. Вашата љубов и почит се мојата сила. Напред Палермо, ве очекуваме на Ренцо Барбера, напиша Илија Несторовски на својот Фејсбук профил.
Навивачите на Палермо имаа можност да се запознаат, да се сликаат и да добијат автограм од капитенот кој трпеливо и со насмевка ги испочитува сите до еден.
За популарноста на Нестогол во Палермо веќе е излишно да се зборува. Го сака и младо и старо и машко и женско, а најголем дел од присутните беа децата на кои им е идол. Немаше човек кој не го пофали.
Ова се дел од коментарите на навивачите за наш Илија од кого очекуваат да ги врати во Серија А:
„За мене ова е голема возбуда што го запознав. Тој ни пружа големи задоволства во Палермо“.
„Би му препорачал никогаш да не се откажува и да даде се од себе, бидејќи овој град ја заслужува првата лига. Тој го знае тоа“.
„Илија е одличен фудбалер. Нека не се откажува бидејќи ја заслужуваме Серија А“.
„За мене е феномен, многу е јак“.
„Несторовски е играч кој дава се на терен. Вложува голем труд и многу се жртвува“.
„Мислам дека е еден од најдобрите напаѓачи кои ги имаме во последните години“.
„Поврзан е многу со дресот на Палермо и верувам дека може многу да помогне за да се вратиме во Серија А“.
Еден од навивачите направи јак штос. Се јави на мобилен кај другар му и преку видео повик побара фотка со Несторовски.
📲”Facciamo una foto?” 😂 una richiesta particolare per il capitano 📸 pic.twitter.com/2jNP27QBlO
— US Città di Palermo (@palermocalcioit) November 26, 2018
