Пред неколку денови Мурињо упати скандалозни обвинувања на адресата на ФИФА тврдејќи дека тој не се појавил на доделувањето наградите при изборот на ФИФА за најдобар играч и тренер затоа што се било наместено.
Мурињо тврдеше дека гласовите биле заменувани, а ова негово тврдење го поддржа и нашиот капитен Горан Пандев.
Во интервју за шпанските медиуми, Пандев потврди дека гласал за Мурињо, но неговите гласови според списокот на ФИФА, им биле поделени на Дел Боске, Манчини и Клоп.
„Јас гласав за Мурињо, но се случија чудни работи. Според листата на ФИФА, јас сум гласал за Висенте Дел Боске, но јас гласав за Мурињо. Му се јавив и на Мурињо и му реков дека ќе гласам за него. Тој беше тажен, свесен е дека не можеме да промениме ништо", изјави Пандев.
