Базел - Челси 1:2 (0:1)
Шар 87п - Мозес 12, Луиз 90
Челси си заврши голем дел од работата уште по првиот полуфинален натпревар и преостанува уште да одработи релаксиран реванш во Лондон.
Гостите поведоа во 12-та минута кога по корнерот кој го изведе Лампард, Виктор Мозес ја затресе мрежата со глава.
Фудбалерите на Базел се обидоа да возвратат и направија придисок кон противничкиот гол, но на израмнување чекаа до 87-та минута кога Тери го собори Штокер, а сигурен од белата точка беше Шар.
Но во последните моменти од натпреварот, Давид Луиз изведе слободен удар од 20-тина метри, а голманот Зомер направи голема грешка и по втор пат ја извади топката од својата мрежа.
Фенербахче - Бенфика 1:0 (0:0)
Коркмаз 72
Фудбалерите на Фенербахче во текот на натпреварот три пати ја погодија рамката од голот на Бенфика, вклучувајќи го и неикористениот пенал на Барони во 45-та минута.
Големото славје на „Шукру Сарачоглу" стадионот се случи во 72-та минута кога Коркмаз ја искористи грешката на гостите и го постигна единствениот погодок на натпреварот.
