Барселона на 35 натпревари во сите турнири каде што игра сезонава оствари дури 16 страшно убедливи победи:
Особено убедлива Барселона сезонава беше против најлутиот ривал Реал Мадрид кого два пати буквално го торпедираше.
СИТЕ УБЕДЛИВИ ПОБЕДИ НА БАРСА СЕЗОНАВА:
7:0 Ваљадолид
1:4 Жирона
5:1 Виљареал
5:0 Јанг Бојс
0:3 Алавес
3:0 Брест
5:1 Севиља
4:1 Баерн Минхен
0:4 Реал Мадрид
5:1 Севиља
2:5 Црвена Звезда
1:5 Мајорка
0:4 Барбастро
2:5 Реал Мадрид
5:1 Бетис
7:1 Валенсија
0:5 Валенсија
Во триумфот на Барселона 0:5 кај Валенсија на гости хет-трик постигна Феран Торес, детето на Валенсија кој во еден момент го крена својот дрес и покажа маичка со натпис: „Не ја забораваме Валенсија“ во чест на неговиот роден град кој силно настрада во страшни поплави во ноември 2024-та.
Феран Торес при прослава на еден од головите отиде и во прегратка кај Дани Олмо кој беше на клупата за резерви и кој скоро се врати од повреда.
Ова беше втор хет-трик за Феран Торес за Барселона. Во јануари 2024-та тој три пати му даде гол на Бетис. Сезонава има 10 гола, 1 помалку од целата сезона лани (11).
Феран стана и само четврти играч на Барселона со хет-трик на меч против Валенсија на „Местаља“ после Мариано Мартин (1943-та), Лионел Меси (2013) и Пјер-Емерик Обамејанг (2022).
Одлична вечер имаше и Бразилецот Рафиња кој иако не постигна гол, имаше асистенција со што го подобри уште повеќе неверојатниот учинок сезонава: сега има 23 гола и 13 асистенции на 34 меча сезонава и со Мохамед Салах се главни кандидати за наградата Златна копачка.
17-годишниот Ламин Јамал го постигна последниот гол на мечот по груба грешка на македонскиот репрезентативен голман Столе Димитриевски.
