Ливерпул важеше за најголем фаворит да освои Лига Европа. Сите очекуваа црвените самоуверено да се прошетаат до финалето, особено во последната сезона на Јирген Клоп кој наскоро заминува од клубот.
Но на „Енфилд Роуд“ дојде една многу симпатична банда. Од Бергамо. Поддржана од околу 5.000 свои тифози кои непрестано ги бодреа своите момци.
Liverpool - Atalanta #awayfans #Atalanta #Bergamo #LIVATA (11.04.24) pic.twitter.com/ceUdhi104o
— 1899 Mode Ultrà (@ultras1899_) April 11, 2024
11-ти април 2024-та ќе се памети во Бергамо како еден од најубавите датуми во клупската историја на Аталанта.
Со два гола на италијанскиот репрезентативец Џанлука Скамака (38’ и 60’) и еден на Пашалиќ во 83-та минута, Аталанта направи шок во Лига Европа.
Ја прекинаа Бергамашите неверојатната серија на Ливерпул од 33 меча без пораз на Енфилд Роуд. Последен пат црвените загубија дома од Реал Мадрид во Лига на шампиони и тоа на 21-ви февруари 2023-та кога примија 5.
Занимлив факт е што ниту еден италијански фудбалер никогаш во еврокупови не постигнал два гола на „Енфилд Роуд“. Џанлука Сакамака стана првиот. Тој играше за Вест Хем извесен период но ниту еднаш не постигна гол на „Енфилд Роуд“.
Аталанта стана само трет клуб во историјата кој два пати победил меч од еврокуп на „Енфилд Роуд“. Барселона и Реал Мадрид досега беа единствени кој два пати го земале скалпот на овој култен стадион.
Притоа ова е само петти домашен пораз на црвените од кога Клоп им е тренер. Претходно губеа од Атлетико Мадрид 2019/2020 2:3 во продолженија, па од Аталанта 0:2 во 2020/2021, од Реал Мадрид 2:3 и сега пак од Аталанта 0:3 во 2023/2024.
Ваков дебакл Ливерпул со Клоп доживува само трет пат. Претходно во 2021 Сити ги згроми 1:4 на „Енфилд Роуд“ а минатата сезона Реал Мадрид го искали бесот и славеше 2:5 во Лига на шампиони.
Необично звучи и фактот што првиот пораз со два гола разлика на Енфилд Роуд Јирген Клоп го доживеал токму о дАталанта во 2020-та кога играа пред празни трибини во пандемијата.
Carabao Cup: Champions 🏆
— Mail Sport (@MailSport) April 12, 2024
Premier League: 2nd 😮
Europa League: 3-0 down on aggregate vs Atalanta 😬
FA Cup: Quarter Final ❌
How many trophies will Liverpool win in Jurgen Klopp's final season? 🤔 pic.twitter.com/DM6P76klMB
Сега навивачите на Ливерпул од здруженијата Spirit of Shankly и Spion Kop 1906 решиле да го бојкотираат стартот на мечот, немаа знамиња ниту обележја и молчеа до 20-та минута во знак на протест за зголемување на цените на карти за еврокупови за 2%.
**********************************************************************
