Албански репрезентативец со хет-трик испиша историја во Барселона

Почнаа подготвителните натпревари низ европските лиги и додека ѕвездите од Европско се на одмор, простор има за играчи од вторите тимови или младинскиот погон, кои имаат прилика да се докажат.

Барселона на стадионот Јохан Кројф славеше против Гимнастик со 4:0 во натпревар на кој шанса добија играчи од Б тимот. Еден од нив беше Реј Манај кој блесна со хет-трик.

24 годишниот напаѓач ги постигна сите три гола во второто полувреме и стана првиот Албанец кој настапи и стана стрелец за шпанскиот гигант.

За издвојување е првиот гол во 60-та минута кога многу вешто одигра еден на еден во шеснаесетник и испрати бомба под пречката.

Инаку Реј Манај има 20 настапи и 5 гола за селекцијата на Албанија, а во Б тимот на Барселона е втора сезона. Се работи за дете на Пјаченца кој се има калено и во школите на Сампдорија и Интер.

Во 2015-та стана член на Интер и тренираше со првиот тим предводен од Роберто Манчини, а потоа одеше на позајмици во Пескара, Пиза и Гранада.