Екипата на Херта од Берлин се соочи со огромен проблем пред гостувањето кај Борусија Дортмунд кога првиот голман Томас Крафт се повреди на тренинг, а на листата на повредени играчи веќе се наоѓаше и вториот голман.
Тренерот Јос Лухукај немаше избор и беше приморан да му даде шанса на 18-годишниот Мариус Герсбек. Младиот голман неколку години наназад ја чува мрежата на резервниот тим на Херта, а кога нема натпревар тој секогаш е во првите редови на навивачката трибина Олимпискиот стадион во Берлин.
Сонот на Мариус се исполни. Младиот навивач доби шанса да ги брани боите на тимот кој му е во срцето заедно со играчите кои до пред некој ден ги бодрел од трибините, а тој и тоа како ја искористи својата шанса.
Екипата на Херта направи сензација на гостувањето во Дортмунд и со победата од 1:2 ја откажа Борусија од трката за титулата. Еден од најзаслужните за овој триумф секако беше и голманот Герсбек кој ги сопре налетите на противничките напаѓачи.
Веднаш по натпреварот, младиот херој им се приклучи на своите другари од трибината и заедно со нив ја прослави големата победа.
