Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Најлесниот избор на светот

Дали попрво би гласал за Бајден или би се преселил во Русија? Прашањето е за Американци и звучи ко крајниот резултат да е јасен уште пред ликов да излезе на улица со камера и микрофон.

Ние ја поседуваме науката

Првиот човек на одделот за глобални комуникации на ОН објаснува како Гугл почнал да штелува резултати од пребарувањата. Биле шокирани кога виделе дека кога ќе се побара „климатски промени“, се нудат секакви информации, па им отишле и им рекле: Ние ја поседуваме науката, ние треба да бидеме први. „Ние ја поседуваме науката (читај: вистината)“, па има ли поорвеловска реченица од тоа?

Кој не верува дека има само два пола, нека измолзи вол

Републиканката Кари Лејк, околу која се случуваа некои од најголемите драми за време на меѓуизборите 2022, периодов почнува со кампања за американскиот Сенат . Како што е ред таа се фаќа со стандардното покажување колку е всушност народски човек. Ова, главно по службена должност, го следат репортери од медиуми како Њујорк тајмс и Вашингтон пост, што таа го искористи за шутирање пенал.

Инфлуенсерски лајкови, поволно

Треба лајкови, прегледи, следачи, коментари или што и да е? Ама да има и „енгејџмент“. Енгејџмент од уши да ти излага, што и да треба, каде и да треба, Кина сè има спремно за вас.

Запознајте се со еден терористички ум

„Треба да убиваме Иранци и Руси, се разбира тајно, а не на цел свет да му кажуваме што правиме. Сакам да го уплашиме Асад, ноќе да ги  дигнеме во воздух неговите канцеларии, да му ја нападнеме гардата, да му го уништиме претстедателскиот авион...“. Луѓе со вакви желби се оние кои како мали малтретирале мачиња. После стануваат психопати или... директори на ЦИА. Мајк Морел, 2016 гоина.

Аналогни генијалности

Денес на секој нов уред од типот на телевизор, таблет или слично, можеш да му кажеш да се изгаси за толку и толку време (или ако нема активност), пошто очекуваш во меѓувреме да заспиеш, додека нешто читаш или гледаш. Па да не гори џабе. Штета што таква можност немале оние пред времето на струјата, кога морале да читаат на свеќа? Не ги потценувајте.

Ерик и Роби како Мирко и Славко

Оваа сцена од Last Waltz, апсолутно феноменалниот документарец на Мартин Скорсезе за концерното одјавување на The Band (веројатно најспремниот рокенрол организам на сите времиња) е позната како гитарскиот дуел меѓу Ерик Клептон и Роби Робертсон (драгоцен музичар кој почина деновиве на 80 годишна возраст). Само што не се работи за никаков дуел меѓу Ерик и Роби.

Дали Кина си обезбеди „вечна“ струја?

За разлика од традиционалните нуклеарни централи кои работат на ураниум, Кина почна да работи на нуклеарни централи кои работат на ториум. Ако нешто ви врши работа, еден тон ториум создава иста количина на струја колку и 3,5 милиони тони јаглен, а Кина ги има најголемите залихи на ториум во светот.

Тексас решение за Тексас проблеми

Влегувањето во Тексас на делови од границата со Мексиско се сведува на прегазување на Рио гранде. Затоа што не може да пофати да го стражари цело Рио гранде, Тексас реши да почне по должина на реката да поставува пловечки бариери, надополннети со циркулар. За сега најмалку едно лице има загинато бариерите.

Дневна доза пропаганда

Урсула фондерфајзер Лејен: „Руската војска зема чипови од машини за садови и фрижидери за да го поправат својот воен хардвер, бидејќи веќе немаат полуспроводници“. Прашање од здравиот разум: Зошто НАТО не успева да поибеди војска која се потпира на делови од машѓини за садови и фрижидери?:

Дали Си-ен-ен го крена белото знаме за Украина?

Андерсон Купер разговара со Џим Шуто, главниот известувач на Си-ен-ен за национална безбедност. Темата е украинската контраофанзива и недостатокот на истата. Во последните 20 години веројатно само за победата на Трамп атмосферата во Си-ен-ен била вака траорна како сега.

Мајка, кажи дека се зезаш

Го пренесуваме нејзиниот проблем со голема надеж дека се работи за тролање на будалаштините на ова време. Елем, таа има син кој се идентификува како мачка, ама, ветеринар одбил да го прегледа. Дискриминација! „Ако вика дека е мачка, тогаш е мачка и треба да биде третиран така.“ Добро што синот не се идентификува како кола, ќе требаше на канал да го носи да му сменат уље. 

Украина треба да влезе во НАТО за доброто на Русија

Како членка на НАТО Украина станува една од земјите во светот која не ги освојува своите соседи и на тој начин Русија и нејзината територија се безбедни од евентуална идна окупација од страна на Украина. Барем Зеленски така гледа на работите.

Животот е инфаркт

Ако слепо верувате на медиуми, особено на едни од нивните најкликани содржини, оние околу здравјето и болестите, треба секој ден да славите што сте живи. Бидејќи неверојатен е списокот на работи кои нè убиваат. Елате да видите една колекција од срце-загрозувачки активности. Сè е штетно и сè води кон инфаркт. Освен, нормално, ковид вакцините.

Мис Геостратегија

Прашање: „„Неодамнешните истражувања велат дека една петтина од Американците не умеат да ја најдат Америка на карта. Зошто мислиш дека е тоа така?“ Одговор: „Мислам дека е тоа така затоа што немаат карти“. Остатокот од изјавата на Мис Јужна Каролина влегува уште подлабоко во суштините на овој свет.

Тепачка BBC - Лукашенко

Интервјуто е од 2021 година па оттука нема ништо за украинската војна, но сè останато од овој конфликт на наративи е драгоцено: нападите, контра-нападите, динамиката на разговорот, аголот на посматрање на работите.... Пробајте да го одгледате дуелот и ова шамарање исчистени од блоковските симпатии (ако ги имате), сигурни сме дека на крај пак ќе дојдете на исто. 

Баркод музика

Електроникос фантастикос е јапонски проект на вљубеници во музика, електроника и електрични апарати за домаќинство. Свират на што им дојде по рака, прават инструментални франкенштајни, знаат маст да им вадат на баркод читачи. Нешто како вонбрачно дете на Крафтверк и Блу Мен Груп. 

Алфред Хичкок како негативец

Хичкок сакаше негативци и еве го сега него како еден од нив, во „Master of Suspense“, краток филм направен од неговите камео појавување во филмовите. Земени се извадоци и сцени од 30 негови филмови и трејлери, на музика од Бернард Херман, композиторот на Психо, Вртоглавица, Север- северозапад.... Мешап ноар на Фабрис Матју.

Црква најблиску до Бога

До неа се стигнува после качување 200 метри угоре во вертикала, при што последната делница е особено опасна. А носат и деца. Службите ги држи свештеник кој тоа го прави 47 години и секој ден се пентари нагоре -надолу. Абуна Јемата Гух, христијанска црква изградена во петтиот век, во северна Етиопија.

Слушам кај шумат шумите

Се сметате за фундаменталистички пријател на животните и сте против секакво нивно малтретирање, ама сепак некако ве привлекува коњичкиот спорт? Ска проблем, има решение и за тоа. Истовремено, ова е конечно решение за молбата од горенаведената песна, делот „кога ќе в село појдете, со коњи да не тропате (леле тропате).“

Ако сакаш да останеш без рака, вака се останува без рака

Ако беше лошо кога беа воведени картички со бесконтактно плаќање па на криминалци им текна да шетаат наоколу со пос-терминали и без твое знаење да ти наплаќаат сума од картичката за која не треба пин (па после беа измислени новчаници со блокирање на РФИД), што би можело на истите тие да им текне кога ќе сфатат дека луѓе почнале да плаќаат со чип вметнат во својата дланка?

Топло, потопло, 31 степен во Германија

Вие само мислите дека на 31 степен Целзиусов нема потреба од паничење, ама за среќа тука е германската телевизија за правилно да го пренесе чувството од оваа национална катастрофа. Инаку во другите градови во просек е околу 28-29.

Почна да прекипува по Европа

Не секогаш исполнетите ветувања заради кои се трга на пеколниот пат кон ветената Европа знаат да го здробат дури и најиздржливиот човек. Од друга страна се локалците кои по години толерирање имаат се помалку разбирање за туѓите маки и проблеми, а веројатно им е смачено и од тоа постојано тие да требаат да разбираат туѓи навики на однесување. Во исто време и двете страни се уверени дека државата ги запоставила. Од ваков напон може да избие само курцшлус.

Не ве слушам, стар сум

81 годишниот Мич МекКонел е еден од онаа геронтократска врхушка на САД (Џо Бајден има 80, Ненси Пелоси 83, конресменката Дајан Феинстајн 90...) кои не ни помислуваат дека на младите светот останува (а ќе речеш САД се меритократија, само најдобрите и најподготвените успеваат). Речиси 40 години е сенатор, има 35 милиони долари и не му се слуша кога му бараат оставка.