Кога алгоритмите во серија му сервираат на човек дебилни клипчиња кои служат во некаква рекламна цел, помислува дека креативноста неповратно е мртва. Ама потоа ќе налета на реклама како оваа и ќе освежи. За часовниците Knight е, со слоган „За секоја верзија од тебе.“ Не само што ситуациите се „relatable“ (со опроштење на софра), туку и финишот е брилијантен.  

Последниве недели Трамп е во таков ремпејџ мод (ќе уништеше цела цивилизација, пцуеше на Велигден, го нападна папата, ги испонавреди довчерашните медуимски сојузници...), што уште само на маче му нема удрено бокс. Објави и слика на која е претставен како Исус. Сега пробува да убеди некого дека на сликата тој бил - доктор. Сепак, ја избриша таа слика, најблиску што може таков човек да дојде до покајување или недајбоже, извинување.

Освен што успеа да го потепа Орбан на избори, Петер Маѓар успевал и да зема плата како пратеник во Европскот парламент (основна плата околу 8.000 евра), со изостаноци за какви од школо се брка. Имено, бил присутен на само 1,9% од гласањата. А кога другите од неговата партија гласале, гласале слично како оние на Орбан, објаснува неговиот независен колега од Кипар, Фидијас Панајоту.   

Кинезиологијата е интегрална наука која ги поврзува анатомијата, физиологијата, физиката и геометријата со човечкото движење, со фокус на биомеханиката, мускулно-скелетната анатомија и неврофизиологијата. Еден од темелните принципи е дека мускулите се подредени на мозокот. На тоа се засноваат и полиграфите, односно детекторите на лаги. Еве уште еден тест за кој не треба опрема.

Мегин Кели е едно од оние влијателни медиумски лица кои со систематско мавање по празните (или опасни) агенди на демократите беа клучна поддршка за вториот мандат на Трамп. Таа се најде и во групата за отстрел на Трамп, заедно со Такер Карлсон, Кендис Овенс и Алекс Џонс. Никој од нив (засега) не отстапи ни потклекна. Такер го имавме, да видиме што викаат другиве. 

Унгарија одржува битни избори. Влоговите се големи, не само за таа земја туку за поширокиот гео-политички контекст. За земја членка на ЕУ, сценариото би требало да е едноставно: се гласа, се пребројуваат гласовите, се прогласува победник. Но, не мора да е така. Опозицијата тврди дека Орбан e е спремен да ги лажира изборите, други се сомневаат дека опозицијата подготвува сценарио веќе видено на други места.

Само шест часа откако Варуфакис даде оставка во јули 2015 година, премиерот Ципрас му дал зелено светло на Никос Коѕијас да оди во Тел Авив и да потпише прилично колонијалистички договор со кој грчкото небо им се отстапува на изралеските воздушни сили да вежбаат воени комбинации. И без согласност на домаќините. А нас па Грците ќе ни го чувале небото, што нè прави слуги на слугинката.

Поранешниот јапонски премиер Шигеру Ишиба во три наврати се има сретнато со Доналд Трамп. Сосема доволно за да го сконта неговиот бинарен и нарцисоиден табиет. Трамп сака да му ласкаш, да се согласуваш со него, ако му предочиш дека некаде греши, одма се лути и гневи. Затоа Ишиба прво му викал дека е во право, а потоа му редел работи кои треба да се кажат. 

Во местото Тајбе во јужен Либан, живот имало и пред 9.000 години. За тоа сведочат бројните драгоцени наоѓалишта во неговата околина кои датираат од неолитскиот период. Луѓето во Тајбе главно се занимаваат со земјоделство и одгледуваат маслинки, гројзе и портокали. А потоа дојде Израел.  

На улиците на јапонскиот град Кумамото, десетици канцелариски службеници учествуваа во трка со канцелариски столчиња. Победникот бил награден (искилавен) со вреќа ориз од 90 кила. Треба да им пратиме претставници на македонската бирократија, доколку домаќините од братска Јапонија најдат начин нашиве после трката да ги одлепат од столчето.    

Марко Рубио, државен секретар на САД: „Замислете еден Иран кој наместо да го троши своето богатство, милијарди долари, на оружје и поддршка на терористи, тоа го насочеше да му помогне на својот народ. Ќе беше тоа многу поинаква земја.“ Два дена подоцна, неговиот шеф, Доналд Трамп: „Не можеме да ја плаќаме здравствената заштита, војни имаме...“ 

Трамп беше многу горд што го срушиле мостот кај Караџ. Тоа го правеа и кога ја нападнаа Југославија. Овој беше недоправен, уште непуштен во употреба а ќе беше најголемиот мост на Блискиот Исток, долг преку километар, висок 132 метра. Солзите на градителот сами по себе се разбирливи. На Иранците им порача: „Господ ако ме поживее, повторно ќе го изградам и ви ветувам дека ќе поминувате по него.“  

Знаете ли дека глобалните прекуокеански ланци за снабдување со нафта се движат со брзина на велосипед? Тоа е брзината на оние огромни танкери што лазат преку океаните. Тоа е и причината што ситуацијата уште изгледа доста нормално иако Ормускиот теснец одамна е затворен. Големите нафтени полжави излезени пред затворањето уште не се стигнати до своите дестинации. Кога таа нафта ќе се потроши, е, тогаш ќе ја сфатиме белјата.

Претседателот на Соединетите Американски Држави утрово се разбуди и напиша 150 зборови. Не за Иран. Не за цените на горивото, не за цената на храната.  Не за царините што ги пореметија глобалните пазари. Не за стравувањата за рецесија. Доналд Трамп напиша 150 зборови против Брус Спрингстин.

Режимот инкогнито или режимот за приватно прелистување се функции што ги има секој прелистувач, но ни приближно не се ни инкогнито ни приватно. Притоа, Хром е најлош бидејќи упорно не вклучува опции кои корисници со години му ги бараат. Тор му е мајката. Нешто побавен но блиндиран. Прифатливи алтернативи се и Брејв и Фајрфокс, вели дечкото од Privacy Guides.   

Само да погледнете колкав е редот за чекање за влез во германски  клуб за кој велат дека 70 посто од луѓето не биваат пуштени врата. Мислиш Аца Лукас или Дино Мерлин настапуваат. Кај нас луѓе за пари не би чекале толку. Овој што снима (наш човек) вика, цела вечер бесплатно да пијам внатре па не ти чекам. Клуб Бергхаин, Берлин. Ниту тој ќе жали што не сме се виделе, ниту пак ние. 

За американските војни се води главно погрешна дебата. Главните прашања се дали Трамп ќе успее, кога ќе успеее, во што ќе успее? Никој не прашува колку таа војна е праведна, правична, оправдана, никој не прашува за кој американски интерес загинаа оние 160-170 ученички. И во ова интервју за Венецуела, ни збор за луѓето од Венецуела. Битно нафтата, контролата, битно покажавме дека сме појаки.

Пензионираниот американски дипломат, Роберт Форд, евоцира спомени како бил замолен од МИ6 (преку некое невладино прокси) да помогне во ребрендирањето на некогашниот џелат од Ал Каеда а сега претседател на Сирија. И како овој му се жалел дека методите кои му служеле како терорист веќе не вршат работа кога треба да управува со голем народ.  

Мат Гаец беше пратеник од Флорида, пред две години за малку ќе станеше главен обвинител по предлог на Трамп но се повлече откако му извадија афери со женски и плаќања за секс. Пазете ова: висок офицер му кажал дека на тајни локации се држат заробени вонземјани (?) и се принудуваат да се парат со луѓе (??), кои пак, се набавуваат од воени зони или од мигрантски каравани. Офф, уште тие ни фалат.

Нема утка со оваа финта. Во својот бункер, Хитлер дознава за катастрофалните резултати од операцијата „Епски гнев“ и дека Техеран нема абер од капитулација. „Вака ли ќе ја правиме Америка голема? А на Путин му се смеевме за Украина! Сега се плашам и Куба да ја нападнам!“ вели егонаманијакот кој сепак се сети како да се извади од кашата. 

Првиот Ајфон излезе во јуни 2007-ма година. Неговата камера беше со два мегапиксела. Последен изваден Ајфон е 17-ката, со 48 мегапиксели. Иако разликата во бројките е драстична, реално на фотографиите (со сите џиџи-миџи употребени технологии) разликата и не е баш да ти падне вилица.   

Луѓето прибегнуваат кон своите паметни телфони како сигурен штит против краткотрајната анксиозност, самотијата и досадата. Тоа е токму онаа плодна почва на која понекогаш се раѓаат најбрилијантнитe идеи. Некој ќе каже, постојат разни техники за да се исчисти мозокот од дигиталното ѓубре, но, што ако после успешното чистење, човек сфати дека мозокот му е - празен?

До 50-тите години на минатиот век, мажи, жени па и деца речиси никаде не оделе гологлaви. На почетокот на 60тите, капите и шапките почнува да ги снемува. Неколку можни причини: повоената младина пружа отпор кон традиционалното, автомобилите, Битлси и Кенеди.  

Исклучително редок момент за животни кои не се примати. Група китови од редот на најголемите (Physeter macrocephalus) се собираат за да подигнат едно новороденче и да му помогнат да почне да плива. Важен момент бидејќи во тие пресудни мигови, малите знаат да потонат и да не успеат да заживеат. Да биде симболиката уште појака, помагаат возрасни женки од различни фамилии.