На средба со највисоки американски воени лица на која се зборувало како да се забави или спинува штетата што ја прават објавите на Викиликс, на Хилари Клинтон ѝ здосадиле килавите предлози што се ваделе на маса па предложила „Не можеме ли просто да го убиеме со дрон овој човек?“ Униформиве замолкнале а Хилари продолжила да ги убедува дека Асанж е лесна мета бидејќи (во тоа време) слободно се шетал. Каков злотвор.

Иако Гугл го стопираше нивниот долгоочекуван ВИ Џеминаи да прави слики откако стана јасно дека генераторот има проблем со расите (види овде) а главниот човек на овој производ, Џек Кравчик, се утепа од извинувања за скандалозното избегнување да се покаже белец (дури и кога се бара слика од Папа или Викинг), не ќе да е тоа случајно, откако на Кравчик му извадија колку е забеган на темата.

Супер занимливи податоци и трендови од долгогодишни музички листи, извадени со помош на AI, за тоа кои жанрови (квантитативно) опаѓаат а кои растат, како стои популарноста на одредени инструменти, што станува со должината на песните... Интересни, но во крајна линија небитни работи за артисти (а и уживатели на музика), освен за оние што би сакале да се шлепаат на трендови. А тоа е увек шкарт порив.

Иако со години очекуваат да пукне, меурот со скопски недвижнини и натаму се дува и веќе е дојдено до две, двеипол илјади евра за квадрат, иако десетици илјади станови во градот зујат празни. На сите им е јасно дека ќе биде така сè додека не постои посигурен начин да се конзервира вредноста на заработените (или украдените) пари. Купи стан, пиши го внук или стрина и нека дреме, не пие вода.

Познато е дека САД во мандатот на Бајден имаат невообичаена наклонетост кон примање нелегални мигранти (тие што сакаат легално уште треба да кмичат по шалтери и да ги имаат сите документи од турско до денес) и некоја основна географска логика налага дека тие мигранти се латиноси од јужна и средна Америка. Е, околу тоа, една репортажа.

„Војната за децата“ е документарец (2,2 часа) кој ја разоткрива тековната битка за контрола на следната генерација и нивните умови. „Овој филм го открива борбениот план што се користи за контрола на иднината. За да победите во оваа војна, треба да ја разберете тактиката на вашиот непријател“. наведуваат авторите. „Вреди да се види, особено родители,“ препорачува Маск.

Откако се испоначуди од навистина фасцинантната метро станица Киевскаја (овде), дур е таму, Такер Карлсон реши да посети и руски супермаркет, нешто што Америка очекува да биде девастирано од санкциите. Не само што крцка со роба, и домашна и странска, туку и наполнетата количка, за која Такер и екипата проценуваат дека дома би платиле околу 400 долари, овде ги чинеше, ќе видите колку. 

Политички коректна најава на видеото: „Адмирал Рејчел Левин, асистент секретар на американскиот департмент за здравство, ја зголемува свесноста за потребата да им се помогне на црнечките заедници да се справат со здравствените последици поврзани со климатските промени“. Људска најава на видеото: „Маж облечен како жена тврди дека климата е расист“.

Од смешни до одвратни ни се оние што се прават будали во врска со инжинерингот кој се спроведува со Македонија па демек самоуверено се прашуваат „кој може нам да ни каже како се чувствуваме и дали се мислиме за Македонци?“ Како кој бе, абдали? Оние што ќе ги пишуваат учебниците, книгите, државно платените сценарија... Што ѝ е друго работа на пропагандата? Ела да ви кажеме еден пример. 

Од пред некој ден јавно е публикуван повеќекратно наградуваниот филм „Светлата на Сараево“ на Срѓан Перкиќ, за бендот „Забрањено пушење“ и култната сараевска хала Скендерија. Приказна видена од аголот на Сејо Сексон, основачот на групата и главниот автор на нивните песни. Почнува со првите акорди на „Филџан вишка.“ Карамбол од емоции.

Само една година после она невешто AI видео „Вил Смит јаде шпагети“, на кое апла од прва се гледаше дека е фејк, ситуацијата (да не кажеме реалноста пошто нема да сме сигурни дали да ставаме наводници на тој збор) е комплетно поинаква. СОРА е „текст во видео“ модел на OpenAI кого го учеле да го разбира и да го симулира реалниот свет во движење. Резултатите се застрашувачки.

Такер Карлсон, на своите Американци (на кои им е кажувано дека Русија е една голема пустелија која има само природен гас и нуклеарки), им ја покажува московската станица Киевскаја, изградена од Сталин пред 70 години. Нема стаорци и ѓубре, нема бездомници, наркомани, силувачи и лудаци спремни да те бутнат на шини, не мириса на урина... „Како таа Русија има нешто што е поубаво од што било кај нас?“   

Ланецот супермаркети Лидл како дел од мерките против кражба во своите продавници во Германија почнува на производите да лепи аларм-налепници, и тоа не на сите туку по нивен избор на оние кои по нивна проценка е најверојатно да бидат украдени или пак се на некоја топ листа најкрадени.

Ако се суди по дел од дебатите што периодов се водат на израелските телевизии конфликтот уште долго ќе трае, а полошо е што ќе стане само покрвав. Веројатно има и други дебати.

Исто како кај нас и за Кинеска нова години дедовци и баби им даваат пари на внуци. Различно од кај нас, во Кина внукот/внуката треба да покаже колку го сака дедото/бабата. Не, не со гушкање.

Да се потсетиме како политичката перјаница на американската кансел култура, раскошно глупата фејкерка Александрија Окасио Кортез се ситеше кога Фокс Њуз го набркаа Такер Карлсон. „Не можеше на подобар лик да му се случи тоа,“ вика пакосницата во тоа нејзино брзо-брзо-да-се-снимам видевце на Инстаграм, во кое тврди дека отказот за Такер е доказ дека „деплатформирањето функционира.“ Хехе. 

Иако од неколку страни e потврдено и документирано дека Киев и Москва имале во рака употреблив нацрт договор за примирје на преговорите во Истанбул (ќе се спасеа десетици и стотици илјади животи на двете страни досега), ама дека Борис Џонсон ургентно дошол во Киев и ги натерал да не потпишуваат примирје, Џонсон реши да се јави после интервјуто на Путин и да каже дека тоа било лага. За среќа, уште има живи сведоци. 

1 посто од популацијата го контролира светот. 4 проценти од популацијата се нивни марионети. 90% од популацијата се заспани зомбија а 5% се обидуваат да ги разбудат зомбијата. Што се случува? Оние еден посто прават сè за оние 4 посто да ги спречат оние 5 посто да ги разбудат оние 90 посто. Хмм...

Егото на корпоративните западни медиуми доживеа мал инфаркт кога се разбра дека интервју со Путин обезбедил медиумскиот ренегат, Такер Карлсон. Не можат да мрчат пошто самите признаваат дека и тие барале интервју ама ете, „нам не ни дава, нему му дава.“ На пример, CNN. E, тие прават интервјуа, вилица да ти падне!

Се чувствувате заглавени во еден од оние безбројни глупи денови во кои не гледате никаква радост или смисла на вашето постоење на оваа планета? Седите дома или на работа, безвезно скролате или вртите канали или мислите да пишете ливче за кладилница, ама сето тоа нема никаков вкус? Дозволете ѝ на оваа девојка да ве понесе фаст форвард, за да сфатите каков луксуз имате баш денеска. 

Да повториме, полициската мерка за спречување на земјоделските протести во Шпанија беше со автомобили да се блокираат патиштата по кои земјоделците возат со трактори. Па после ќе им вадат вицови, па ќе им вадат.

Попрво би се шетал со пластична кеса во која има 5.000 долари отколку со празна торба од Луи Витон вредна 5.000 долари. Така само ќе личи дека сте победиле, ама не сте победиле. Победил Луи Витон. Интересно е како богатите остануваат богати преправајќи се дека се сиромашни, а сиромашните остануваат сиромашни, преправајќи се дека се богати. Финансиска неписменост.  

- Уау, мастурбирањето тебе навистина ти е битно? -го прашува девојката. - Да, тоа ме одржува нормален, одговара Луи. Чесен граѓанин сум, добар татко, плаќам данок, рециклирам и мастурбирам. И горд сум на тоа и Господ е раат. И подоцна кога ќе мастурбирам ќе мислам на тебе. И не можеш ама баш ништо да направиш во врска со тоа. 

Кој тоа тврди дека Џо е во длабока когнитивна есен и има сериозни проблеми со меморијата? Стариот штотуку се присети на самит на Г-7 од пред неколку години, брзо откако беше избран за претседател на САД, на кој се сретнал со „Митеран од Франција“. Оној Митеран кој беше долгогодишен претседател на Франција, во периодот од 1981 to 1995 година. Оној Митеран кој е починат уште од јануари 1996-та.