Го фативте она со мајката што се жалеше дека ветеринар не сакал да го прегледа нејзиниот син а тој се идентификува како маче? Пишавме дека ја објавуваме исповедта со огромна надеж дека се работи за заебанција. Не бе, брате, еве панел кај Пирс Морган којшто дебатира за децата кои во школо се мислат за коњи, кучиња и мачки и притоа од околината се очекува да го почитува тоа.

Ова е посликовито и поефикасно од многу напредни дигитални алатки и финти за графичко прикажување на нештата. Најаналогна можна изложба во која се претставени реалности низ прецизни купчиња ориз, во кои еден човек е едно оривче. Да видите само колку луѓе годишно умираат од лоша вода за пиење, или илегално го минуваат Ла Манш, или ги имаат изгубено домовите во ланските поплави во Пакистан.

Ич нејќеме површни политички паралели (така 'Окно' правеа на времето, и за пеперутки да пишуваа, мораа да завршат со нешто за Грујо), ама ова неодоливо нè потсеќа на хипнотизиразноста, трансот и кататоничноста на некои шупливи еврофили кои толку ги магепсува тој пат што стануваат ем комплетно несвесни за реалноста, ем неспособни да мрднат од мртва точка.

Американците даваат пари во Африка за агенда што тие мислат дека и е неопходна на Африка. Кина и Русија не даваат пари, даваат оружје и обука за Африканците да можат да се одбранат, што во исто време е и афиканска агенда. Ликот се вика Џошуа Мапонга и е од Зимбабве и многу му е смачено од западната добронамерност.

Наводно снимка од безбедносните сили на Габон која доаѓа од претседателската палата по воениот удар што деновиве се случи во земјата, во која беше соборен про-западниот (главно про-Француски) претседател Али Бонго Одбимба, кој беше на власт од 2009-та.

Кратка приказна за криминал со неповратни последици направен врз едно дете, благодарејќи на неговата кретен од мајка и „добронамерни“ лекари кои се сигурни дека дете на 11 години знае што е проблемот со него па го пуштаат низ болни и иреверзибилни терапии кои засекогаш ќе му го сменат животот. За по некоја година да падне пак муабет на таа тема.    

Чекајќи го интервјуто со Вучиќ (неговата драма и патетика ни се гилти плежр), да го чуеме разговорот меѓу два конзервативни тешкаши, Такер Карлсон и првиот човек на Унгарија, Виктор Орбан. Многу јасни позиции и ставови има Маџарот. Да го чуеме изворно па ќе чекаме рецензија од некои од оние псевдо-либералните бројлери, да дознаеме каде тоа Орбан е ужасен фашист.

Анкетата (на руски) поставува прашање за кое навидум и ние и жените мислиме дека сме едногласни, а тоа да ти било војна. Прашањето: дали би биле согласни да се направи ДНК тест на вашето бебе по породување? И?

Буриданово магаре е илустрација за еден парадокс во филозофијата во врска со концептот на слободната волја. Се однесува на хипотетичка ситуација во која магаре е ставено точно на средина меѓу два пласта сено. Не можејќи да се реши каде попрво да тргне,  магарето умира од глад. Двајца филозофи аматери го пробуваат концептот на едно куче, мамејќи го со по една виршла. 

Тогашниот српски лидер и еден од столбовите на тамошната либерална мисла, го објаснува својот страв околу Косово: Замисли да сме врзани во држава во која српски компании се купуваат од албански бизнисмени со косовски нарко долари, а ти не можеш да отидеш до Призрен или Приштина едно кафе да испиеш.

Пораката од Африка е - хуманитарци доста ни помагавте, ако стварно сакате да ни помогнете оставете нè на раат. Ако до сега Западот на некого вистински му помогнал, тоа е само и само сам на себе.

Серијата се вика „Познати фаци после една недела на Балканот.“ А може и поинаку да се гледа, како ќе завршеа тие славни личности доколку имаа ксмет да се родат на Балканите. Има многу јаки дупликати најдено, може телевизиска серија со овие ликови да се направи, да се види можеа ли поинаку да завршат.

Јако е кога некој ќе ти се прави зналац како треба да се живее здраво и долго, па ќе те тапани со безброј совети на таа тема. Па по некое време ќе слушнеш дека од нигде никаде, се превртел ко бубашваба. Сосема поинаку е кога ќе слушнеш совети за долг живот од некој кој лежерно премавнал сто и кусур години.

Такер Карлсон во Будимпешта: „Светот се престројува со огромна брзина и се врти против САД. А администрацијата на Бајден си го троши времето малтретирајќи еден од нашите најискрени сојузници, Унгарија. Дека била премногу христијанска.“

Трамп пред некој ден ги шебаше Бајден и Камала, дека за првиот само чекаш момент да трокира (што главно и го прави) а дека втората е урнебесно смешна, бидејќи зборува во рими („Автобусите одат овде, автобусите одат онде, тоа прават автобусите.“) Земавме една изјава на потпретседателката, ја преведовме, еве нè, уште мозгаме што сакаше да каже.

Кога полиција затропала на врата на Мекартур Вилер за да го апси за два грабежа на банки, откако го идентификувала благодарејќи на снимките на безбедносните камери, Вилер со чудење и разочараност ги прашал: „Ама, како ме познавте? Бев намачкан со лимунов сок!“

Пред 12 дена на Јутјуб се појави песната „Rich Men North Of Richmond“ на тема сиромаштија, депресија и безизлезност конкретно во САД, и незаинтересираност на богаташката и политичка како било да помогне, и како државата секој ден му тежи и го закопува обичниот човек. До денес песната има речиси 30 милиони прегледи.

О.Н. им забрани на кипарските Турци да градат пат што треба да спои некои тамошни населби. Кипарските Турци од друга страна не се сеќаваат дека го прашале О.Н. што да прават на своја земја. О.Н имаат бели џипишта, Турците имаат жолти багери.

Последен тренд на Тикток (барем на делот што е за Западот и сите други) е челенџ во кој на твоето дете (што помало толку подобро) од ведро небо му кршиш јајце од глава и потоа незапирливо му се смееш, сето тоа складно документирано на камера. Лајкови ха ха ха.

Компилација од настапи на (главно) гимнастичарки, оние моменти кога ќе згрешат, ќе направат утка и нема добро да го изведат елементот ама потоа ќе пробаат тоа да изгледа како дел од точката. Како кога ќе извисиш на подигната рака за „да пукне“ па после ќе си ја погалиш косата.

Ивермектинот е „еден од најбезбедните и најефикасните лекови од оваа ера. Лек кој, според бројните врвни научници што ги интервјуирав, можеше да ја заврши пандемијата пред да започне,“ вели филмаџијата и автор на ова дело, Мики Вилис, за најдемонизираниот лек од времето на пандемијата. Вакцините се продадоа, сега може да се слушне и ова.

Ен Андрес е новата канадска шампионка во кревање тегови која заедно со титулата постави и рекорд за крената тежина во женска категорија. Андрес крена вкупно 597,5 кг. што е над 200 кг повеќе од второпласираната. На Андрес ова и успеа благодарејќи на крајно успешната програма за вежбање која во основа бара првите 30 и кусур години од животот да си машко па дури потоа со сите твои мускули и конструкција да се префрлиш во жени.

Некои претходни генерации, во Стрит фајтер можеа да бираат меѓу Риу, Чун Ли, Јури... Нсдкои претходни генерации не може ни да бираат, кој ти се падне тој. Да ја погледнете новата генерација тепачи, од Бајден, преку Опра, до Илон Маск и Роналдо. И Стивен Хокинг го имаат, бе! Какви специјалки ли има тој во тепачка?

Делови од Индија неколку денови беа под постојано дождови. Како престанаа дождовите така индиските брда почнаа да лизгаат. До сега има 60 загинати.