Најскапиот елемент во едно ресторанско мени не е изложен на видно место за да го купите. Тој има за задача да направи вториот најскап производ да ви изгледа разумно. Ова не е трик кој ако пројде- пројде, тоа е механизам потврден од науката за тоа како да се измами вашиот мозок и донесувањето одлука. Научен принцип стар 44 години кој ден-денес е главен принцип при правењето ценовници. 

Од Втората светска војна, тешко дека некаде со камера е регистриран ваков призор на систематска и комплетна уништеност на едно населено подрачје. Па израелески војници уште држат и позиција на повисоките делови, со нанишените пушки, да не мрдне нешто случајно. Ако озгора е ваков ужас, можете да замислите како е долу, во самиот пекол.

Темата за когнитивната и ментална кондиција на 79 годишниот американски претседател станува сè поактуелна. Објавивме како шмелца кога зборува (види: А на Бајден му се смееше), деновиве задрема сред прес конференција а пазете му ја изјавата за Грција: „Грција многу помогна. Грција е добар дечко.“ А оној „Металика мој добар другар“ ни беше смешен на времето.

Еден ѕид може да се вароса, може да се стават тапети но ајде да ги видите фасцинантните релјефи што на ѕид ги прави една девојка од Азија. Неверојатен тродимензионален талент за перспектива и умешност тоа да се изведе. Балкански лузери фаќаат да коментираат како тоа не се извалкала, како тоа цело време е облечена во бело, знае ли девојката да везе... 

Само да потсетиме дека од идната година (18 фебрари 2027) производителите на смартфони кои се продаваат во ЕУ ќе мора да имаат заменливи батерии на своите уреди. Што значи дека мора да обезбедат секој корисник лесно, со обичен алат или без него, да си ја смени старата батерија на телефонот со нова кога тоа ќе му затреба. Конечно, добра регулација во корист на корисниците.   

Пред некој ден пишавме дека бројот на имигранти во земјите од ЕУ лани достигнал историски максимум од 64,2 милиони. Тоа е за 2,1 милион повеќе од претходната година и за дури 24 милиони повеќе отколку во 2010 година. Има една визуелизација на тоа демографско цунами кое го коментираат: Вака значи изгледа инвазија. 

Во делови од Кина, печурката Lanmaoa asiatica е масовно продавана и јадена. Обично е безопасна, освен ако не е доволно зготвена. Во тој случај работите брзо стануваат чудни. Стотици луѓе пријавиле во болница дека гледаат армии од џуџиња и други пинцури како им маршираат и играат по дома. Некои јаделе супа. И сето тоа знае да трае со денови. Ако некој има, не бидете пеери, знаете кај сме.

За неполна година, Иран двапати беше нападнат од Америка среде преговори и тоа со веќе договорени датуми за следната средба. Имајќи го тоа на ум, плус колумната скоро објавена во Вашингтон Пост (овде) во која се бара Трамп да ги ликвидира иранските преговарачи ако преговорите во Исламабад пропаднат, овие решиле да слетаат во друг град па од таму да фаќаат воз до дома.

Алкохолот ни ја враќа когнитивната флексибилност од детството. Ги руши бариерите и на различните делови на мозокот им дозволува да комуницираат (исто и опијатите, ама подраматично). Затоа е корисен во бреинсторминзи и слични ситуации, кога ќе се дојде до ќорсокак. Ок, кога ќе се претера, утредента никој не се сеќава на „брилијантните“ идеи до кои се дошло, па мора сè од почеток. Животот е мачење.  

Абу Даби е главен град и најбогатиот емират во ОАЕ. Близу 4 милиони луѓе, БДП од 327 милијарди долари (Македонија - 16,6 милијарди долари), со години прогласуван за најбезбеден град на светот. Не толку одамна, тоа беше мала крајбрежна населба омеѓена од море и пустина, со екстремни температури, оскудица на свежа вода, живот во ќерпичи од палми лисја и кал, гњурење по бисери... А потоа, во 1958 година, најдоа нафта.

Дрскоста и бескрупулозноста на Израел и неговата армија се фрапантни. Не е само оној долготраен масакр во Газа; во последниве две години имаaт извршено напади врз дури седум земји (Либан, Сирија, Иран, Јемен, Катар и водите на Тунис и Малта). Последниот бран на бес го излија во Либан. Еве го епилогот: израелските војници возат низ урнатините и се фалат дека ги ослободиле местата. Од живот. 

Кумановскиот глумец и стенд-ап комичар Чедомир Митевски (за оваа прилика раперски скратен на Чедо- нема појако раперско име од Чедо!) има песна која баш нè освежу. Наапан е ко Едо Маајка и Френки (Хајмо их рушит!) ама тоа кумановскиот му дава лежерност како кај Војко В. Да не тупиме. Ќе ви се свиѓа или нема да ви се свиѓа. Нас ни се свиѓа. Свиѓу. 

Денешните власти не мора да спречат објавување на некоја сторија. Кога - за нив - непријатната приказна ќе излезе, се преплавува интернет просторот со други приказни и стории кои ќе продуцираат дополнителни бранови коментари, мислења и кавги од следачи или ботови, за нормален човек да стане збунет во тој хаос и конечно- да се тргне од таа бучава. Не треба да се спречи слободата на говорот, само треба да си погласен од другиот, за тој да не може да биде слушнат.   

„Не спие. Се претставува како Исус. Цела ноќ постира. Не е добар,“ заклучува еден дечко кој го забележал тајмлајнот на маничните постирања по социјалните мрежи на Доналд Трамп. Додека цела Америка спие, тој виси на мрежите и лудува, па меѓу глупо меме и статија за Бајден, најлефтерно ќе најави дека ќе го блокира теснецот. Човекот не е добар.  

Усната хармоника е традиционален германски фолк инструмент кој се користел за придружба на оние цин-цингл полки и јодлања, но требало да падне в раце на американските црнци за да се открие блузот во неа. Иако навидум ограничена на квинти кои се добиваат со вдишување и издишување низ десетте дупки, малиот инструмент може да извади комплетни три октави. 

Сме виделе одлични видеа направени со вештачка интелигенција. Ова е мастерпис. Потребно е човек неколку пати да го одгледа за да ги улови сите детали: Чарлс Менсон, Оракл, Џастин Бибер... Империјални игри во кои зад суровата реалност се одвива Eyes Wide Shut. И пак некои работи не ни се јасни: кој е оној лево од Нетанјаху во завршната сцена?

Прво Трамп му се здаде на папата зашто зборувал против војна (види овде) и оние кои тоа го правдааат со божја воља (види овде), се заканувал и Пентагон (види овде), па ЏејДи Венс му порача да не се меша во политика но и да биде многу претпазлив кога зборува за теолошки прашања (??) и еве го сега „теологот“ Пит Хегсет, со цитат од Библијата, ама во верзијата од Палп фикшн. Не знаеш кој од кој е полуд. 

Кога чувме за ова, бааги нè изненади комбинацијата: електронските шизици заедно со трубадурот на скршените. Првите немаат извадено песна шест години, другиов дури осум. Ама, еве ги. Со песна на Масив, пуштена низ шмирглата во грлото на Вејтс. „Денешнината, како и сите вчерашни времиња на човештвото, гарантира дека оваа песна никогаш нема да излезе од мода“, вика Вејтс за Boots on the Ground.

Пред СЗО во Женева во 1953 година, американскиот физиолог Ансел Кис презентирал графикон кој ја прикажувал потрошувачката на масти во однос на смртноста од срцеви заболувања во шест земји. САД на врвот. Јапонија на дното. Меѓу нив јасна надолна линија. Графиконот ќе продолжи да ја дефинира глобалната политика за исхрана во следните седумдесет години. Имало само еден мал проблем.

Кога алгоритмите во серија му сервираат на човек дебилни клипчиња кои служат во некаква рекламна цел, помислува дека креативноста неповратно е мртва. Ама потоа ќе налета на реклама како оваа и ќе освежи. За часовниците Knight е, со слоган „За секоја верзија од тебе.“ Не само што ситуациите се „relatable“ (со опроштење на софра), туку и финишот е брилијантен.  

Последниве недели Трамп е во таков ремпејџ мод (ќе уништеше цела цивилизација, пцуеше на Велигден, го нападна папата, ги испонавреди довчерашните медуимски сојузници...), што уште само на маче му нема удрено бокс. Објави и слика на која е претставен како Исус. Сега пробува да убеди некого дека на сликата тој бил - доктор. Сепак, ја избриша таа слика, најблиску што може таков човек да дојде до покајување или недајбоже, извинување.

Освен што успеа да го потепа Орбан на избори, Петер Маѓар успевал и да зема плата како пратеник во Европскот парламент (основна плата околу 8.000 евра), со изостаноци за какви од школо се брка. Имено, бил присутен на само 1,9% од гласањата. А кога другите од неговата партија гласале, гласале слично како оние на Орбан, објаснува неговиот независен колега од Кипар, Фидијас Панајоту.   

Кинезиологијата е интегрална наука која ги поврзува анатомијата, физиологијата, физиката и геометријата со човечкото движење, со фокус на биомеханиката, мускулно-скелетната анатомија и неврофизиологијата. Еден од темелните принципи е дека мускулите се подредени на мозокот. На тоа се засноваат и полиграфите, односно детекторите на лаги. Еве уште еден тест за кој не треба опрема.

Мегин Кели е едно од оние влијателни медиумски лица кои со систематско мавање по празните (или опасни) агенди на демократите беа клучна поддршка за вториот мандат на Трамп. Таа се најде и во групата за отстрел на Трамп, заедно со Такер Карлсон, Кендис Овенс и Алекс Џонс. Никој од нив (засега) не отстапи ни потклекна. Такер го имавме, да видиме што викаат другиве.