Будалаштината наречена „културна апропријација“ (како нешто лошо) започна уште кога го критикуваа Елвис Присли зошто фраерски мрда со колкови кога тоа е црнечки „потег“. Концептот доживеа гротескни размери последниве години, во меурот на разбудените. Дечко белец облекува мексиканска облека и наидува на бран критики од прогресивните. Со истата облека оди кај Мексиканците, му викаат, супер си бе дечко.  

За заминувањето на 46-от претседател на САД, Џо Бајден, ќе се послужиме со зборовите на Мат Таиби: „Збогум, Бајден, или кој и да беше претседател изминативе четири години.“ А сакaмe да потсетиме и на моќниот медиумски хор кој до последен момент го повторуваше рефренот дека Бајден ментално е остар ко жилет, дека во подобра форма не бил... Сè додека не се реши поинаку. 

Такер Карлсон тврди дека половина од американското оружје кое стигнува за украинската војска, завршува на меѓународните црни пазари. Понекогаш стигнува и во рацете на мексиканските картели. Украинската војна, по него, е најголема опасност по светскиот мир не само заради тоа, туку и затоа што никој со сигурност не знае што стана со опасните материјали од био-лабораториите во Украина.

По повод едно дамнешно финале на Супербол, Џими Фалон и неговиот бенд од шоуто, одличните The Roots, собраа познати фаци да ја отпеат „We are the Champions“ од Квин. Кристина Агилера, Аријана Гранде, Ашер... Особено Ашер. Помислил дека во монтажата баш тој ќе биде центриран во средината на екранот и така и се понашал. И глејте како глупо изгледа.   

За разделбите, што привремени што трајни, се напишани безброј песни, поеми, книги, направени се филмови, претстави, насликани се дела.... А и без уметноста, секој ја почувствувал таа грутка во себе, кога се разделува од родители, пријатели, татковини.... За сè има првпат. За пинцуров, ова е тоа. И да го заборави настанот, душата ќе му ја памeти празнината. 

Штета што го немавме во Диџеи на Трендоленд бидејќи на заминатиот магионичар кој создаваше свои светови музиката му беше толку важна што цел живот флертувал со идејата да го напушти филмот и целосно да ѝ се посвети. Компилирана од бројни интервуа и од делови што се имплантирани во неговите филмови, плејлиста на неговите омилени песни. Со линкови. На онаа од Отис Рединг знаел и солза да пушти.

Бесплатно здравство? Ок. Во Броктон, Онтарио, конечно се отвора амбуланта. Луѓето треба да дојдат и да се запишат за да им се додели матичен лекар во нивното место на живеење. Еден дечко вика дека десет години е на листата на чекање за матичен а уште подолого од тоа не бил на лекар. А сега да го видите редот на оние кои со часови чекаат на тоа студот за да се запишат.

Инстантно собра глобална популарност со нејзините ТикТок видеа како изгледа реалноста на една млада девојка која живее во украинскиот хаос. Потоа ѝ здосадило таму, се преселила во Калифорнија па помислила да го повтори истиот „рецепт за успешен контент.“ Сега се жали како нејзиното Порше е со прашина а воздухот е потоксичен од нејзиниот екс дечко. И како да не збеснат?

На почетокот на неговата глобално растечка популарност, предавањата на Џордан Питерсон беа жестоко кочени од групи млади о(без)свестени лица кои пробуваа да го блокираат, да не му се дозволи „да труе“, па доаѓаа бучни и лајави, со транспаренти и јаки пароли. Како Питерсон ги преееба? Просто. Почна да ги закажува предавањата рано сабајле. Јер „револуционерите“ сакаат да поспијат.

Од кај Роган: гугалјте ги најбогатите жени на светот. Од каде им се парите? Не им се од бизниси, кариери, стартапи. Најбогатите жени на светот успеале да се омажат и после разведат од некои ликови. Добро, во тоа елитно женско друштво постои една која беше најбогата од сите и сама работеше на своето богатство. Се вика Елизабeт Холмс и сега е зад решетки пошто тоа беше тешка измама.

Како што веќе знаете, Марк Закерберг реши да ги батали услугите на платените факт-чекери и неговите платформи да се потпираат на „comunity notes“ како на Икс. Тоа се забелешки од останатите лица на платформата кои посочуваат дека нешто е лажно, полувистинито, извадено од контекст, манипулирано... Мала компилација од духовити забелешки, од рентген снимка која е орев, до тоа дека мина времето кога Тејлор Свифт можеше да го купи Кање Вест.  

Дечкото звучи уверливо давајќи совети за правилно хранење и грешки при јадењето. Главно, да не се пие вода пред и после, за да не се разблажува стомачната киселина која треба да ја свари храната. Се повикува на објава на „официјална медицинска страница“ па преку водата доаѓа до бактерии кои го зголемуваат ризикот од срцев и мозочен удар. Ништо од тоа нема врска.

„Мамењето туристи е национален спорт. Им даваат срање храна и ги убедуваат дека е тоа права италијанска кујна“, храбро изјавува Алберто Гранди кој тврди дека италијанската кујна е само мит кој се буста последниве 50-тина години. Мава таму каде што најмногу боли: а) наполитанската пица не ја можеле ни оние во Неапол, б) добар пармезан попрво ќе најдеш во Висконсин и в) италијанските баби не знаат да готват. Како Алберто е уште жив, не е јасно. 

Една од нуспојавите на Оземпик за која луѓе не сакаат да зборуваат е како освестените, посебно женскиот дел од нив, до последен твит ја бранеа „телесната позитивност“ додека во исто време решето се правеа со терапијата за слабеење.

Џенис Квинонес е главна за водата во Лос Анџелес. По избувнувањето на пожарите, кога се виде дека вода нема, медиуми открија и дека таа со месеци знаела дека главниот резервоар е празен а хидрантите не функционираат. Но, небитно. Важно дека за Џенис, она што ја привлекло кон оваа работа и функција е социјалната кауза за правичност. Не водата. „Социјалната правичност“. Патем, Џенис има годишна плата од 750.000 долари.

Претставник на Албанија Екс се најде на жешко столче на парламентaрно испрашување во Англија кога го прашаа зошто негови сограѓани плаќаат по 5.000 фунти и го ризикуваат животот за илегално да го минат Ла Манш, кога можат да дојдат со евтин лет од Визер и да побара азил. Да не е затоа што кога тоа би се извело легално, би морале да бидат документирани и властите да знаат кои се и што имаат правено?

На крајот на 2024 и почетокот на 2025 година, на интернет почна поинтензивно да се споделува еден текст за кој се тврдеше дека е писмо што Дејвид Боуви го напишал непосредно пред неговата смрт во 2016 година. Јак, впечатлив и здрмувачки текст, сосема прикладен на Боуви и неговата вонземна супериорност над овоземните детали како што е смртта. Само што, за жал, не е тоа така.

По мрежите се мултиплицираат секакви видео снимки од апокалиптичните сцени од огнениот пекол на Лос Анџелес. Како реалноста да не е доволно страшна, некои дополнително ја загреваат атмосферата со снимки произведени со помош на вештачка интелигенција..Додуша, вистинските, автентични снимки не се ништо помалку страшни.

На дамнешна конвенција на американски психолози, новинар ги начекува со прашање кое го доживуваат како многу забавно: Колку пациенти имате излечено? Одговорите им се барем искрени и се движат од нула до еден. Еден од анкетираните психијатри е особено директен. Вика, не мислам дек кој било ОД НАС може да биде излечен од било што. Да беа „лајфкоучови“, ќе тврдеа дека имаат 100% успех.

Првиот човек на Мета кај Џо Роган опиша како било во ерата на пандемијата, кога цензурата беше најжестока. Ќе им се јавеле луѓе од државата и со пцуење ќе барале да се кинат содржини, дури и забавни мемиња. А кога Бајден на прес рече дека неодговорноста на социјалните медиуми убива луѓе, државни агенции тргнале во поход. Не дека не веруваме, ама, да дигнеше глас Закерберг во тоа време, па да кажеше дека не оди тоа така? Сега е лесно да се понашаш ко Илон Маск.

Апокрифна анегдота е ова, ама некако пасува со табиетот на помалиот брат од од Оазис, епската будала Лијам Галагер. Жртва во приказната е Бон Џови кој во очај помислил дека може да си ги прекине маките нудејќи му на Лијам половина милиони долари. Бадијала. Вака оди приказната, раскажана од Бон Џови.

Либералната, воук и прогресивна градоначалничка на Лос Анџелес, градот кој сериозно гори сосе некои од неговите најубави и најбогати делови (гуглајте Pacific Palisades), на пожарникарите од градот им го скратила буџетот за 17 милиони долари и ги пренасочила за миграција и диверзитет. Начисто ги сјебаа тие будалести квази- либерали па сега ќе видите како гасат оган. Стојанче да им го пратиме, ќе мислат Ајронмен им дошол.

Некоја западна верзија на Проводаџија. Таа признава дека е малку чудна личност но тој ѝ се чини дека може тоа да го поднесе. А потоа девојката му кажува за себе три работи: а) дека е поранешна дадилка, б) дека понекогаш пишува поезија и в) дека понекогаш снима анално порно. Пазете го сега неговото прашање. 

Го ребрачат дечкото. За нас, кои кмишиме по секакви шалтери цел живот, нема потреба од тоа. Животот доволно нè ребрачел. Она кога редот на другиот шалтер, по Марфиев закон, оди побрзо од твојот. Во некои дуќани кај што има еден долг па се двои на две каси, тоа пензионерите те тераат да се произнесеш кај ќе чекаш уште 10 метри пред да ви се раздвојат патиштата. Е не, ќе кмиши таа во неизвесност.