Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Партибрејкерс - Сиротињско царство

Осум години по последното студиско издание "Слобода или ништо", рок иконите Партибрејкерс имаат нов албум "Сиротињско царство" и спот за насловната песна. Какви се? Ко што треба! Антон ја вози машинеријата рифови а Цане безобразно дофрла реплики кои печат: "Све што би могло и оно што јесте, овде и паметног у лудницу сместе." Ајмо! 

Фрли граната во ринг, бе!

Има луѓе кои мислат дека тепачките во американскиот врестлинг се наместени, дека се кобајаги. Ма какво кобајаги! Имаме драматична видео снимка од една таква борба, жив доказ дека сè е вистина. 

Кај нас Џонтра Волта, кај нив....

1988-ма година, колку Русите беа назад со материјалот.

Бил Мар вс. Стивен Колбер

Првиот на гости кај вториот. Разговорот почнува околу стратегијата "сите да ги збришеме од Земјава" во однос на проблемот со ИСИС. До крај, сè што ти е на памет е - овие двајца ко да не се сакале бе.

Старата игра има апдејт

Мислите дека онаа игра "лист, камен, ножици" не е игра на рефлекси? Не е, ама позабавна е кога е.

Татковска победа на денот

Драгоцен муабет меѓу татко и син, спонтано настанат на улиците на Париз.

Како до секс?

Британско видео во кое се објаснува оваа тема на најбритански можен начин. Имаме ли ние консензуална пијачка?

Глорија мунди

Песна за сите (не)времиња на маестро Борис Дежуловиќ. Доволно е глуп човек да најде некој дневен повод за нечие злодело па да ја започне оваа бројаница која вонсериски ефектно си игра со, на овие простори, омиленото домино на вината. Тизер за шабани: овој таканаречен автор тврди дека Македонците им палат села на Албанците а дека Албанците, тие ебени Шиптари...

Индија, рекламна

Индијска реклама за храна изгледа бааги различно од нашиве. Или се тие многу понапред отидени или само живеат во земја во која адвертајзинг сценаристите слободно се хранат со интересни печурки.

Назад во Батаклан

Да се вратиме таму за да ги растераме лошите духови кои деновиве го изведоа нивниот одвратен danse macabre во салата што датира од 1860-та година. Батаклан, 1972-ра година, Велвет и Нико ја изведуваат "Femme Fatale". Јер само на жените им е дозволено да бидат фатални.

Најважниот состанок на Г-20 самитот

Мерка за сериозност на ситуацијата во саботата: на сепаре до шанк, Путин и Обама разговараат за време на пауза на Г-20 самитот. Посебно интересно околу фотографијата, како е направена.

Статистика на стравот

Студентка муслиманка поставува прашање зошто се сее страв од Исламот кога огромното мнозинство верници се мирољубиви и фиљан луѓе. Добива одговор кој Бил Мар веднаш би го потпишал.

Тапа ви-фи

Да ти е тапа ви-фито е една работа. А тапата да ви е ви-фи е сосема друга.

"Јас сум бебето"

Приказна за човечноста и за тоа како, иако некогаш бавно, добрината умее да се врати. 

Трактор за рурални хипстери

Трактор кој на себе го носи култниот дизајнерски потпис на Пининфарина. Да се прошетате со овој убавец на потегот Јосифово - Пирава, знаете ли колку моми попат ќе ожнеете?

Писмената која доби петка

Веројатно заради тој црн (страшен) рапитограф, не знам што да напишам па затоа наместо со овој црн рапитограф, ќе пишувам со бел.....

Би го абортирале ли Хитлер?

Наспроти сите јади и беди по светов чие покривање би требало да им се во описот на работата, на CNN се разви дебата дали би го абортирале бебето Хитлер. Старата дилема ја актуелизираше републиканскиот кандидат за претседател Бен Карсон, хард-кор евангелист и конзервативец (оној кој тврдеше дека египетските пирамиди се силоси за жито).

Сестричка на денот

Малата има ваков предлог: да го продадат братчето во продавница за домашни миленичиња, со дел од парите таа ќе си ја купи омилената играчка а после ќе го откупат братчето по пониска цена, на попуст. Мора да признаете дека во планот нема ниедна фалинка.

Колку сте стари според рефлексот за кочење?

Ајде на општонародно тестирање: кога ќе го видите знакот, треба да закочите што побргу! Користете маус или спејс. Вашиот резултат ќе ви открие на колку години се вашите рефлекси.

Во ритамот на плајвазот

Сè што треба да имате за да звучите вака е другар и четири пенкала.Ок, не мора да ви е баш другар.

Штитник за мустаќи

Јер мовембар па ќе почнат сите да ги пуштаат, да видиме еден стар но обновен изум кој помага да не се гледа баш сè што јадел и пиел гордиот и освестен носител на мустаќ.

Тежината на ланците

"Кој не слуша песна, ќе слуша олуја" - Горан Бреговиќ

Неколку муабети

Еден глас, премногу ликови, повеќе добри дијалози од цела сезона домашни обиди за комедија. Еден од подобрите и автентични Јутјуб канали што излегол од Балканиве во последно време.