Нивниот проблем е што сите новински репортажи на вести им изгледаат идентично, со востановени ТВ трикови, графики и пози. Нашиот проблем е што се стремиме да го имаме нивниот проблем и никако не успеваме.

Се сопна и со пијачка во рака се збрца во слика од Паоло Порпора од 17-от век, проценета на 1,5 милиони долари. Кошмар за сите.

Ок, сè знаеме за кечери, сè знаете за кечери. Ама пак има еден дел од времето кој почнува од моментот кога го креваат Џон Стујарт на рамо и трае се додека не го треснат од патос, во кој забораваш сè што знаеш и како мало дете го гледаш паднатиот херој и вистински веруваш во неговата болка.

Во 1959-та, умира сопругата на Дасрату Манџиј, индиски рудар од најниска каста. Жената умира откако се повредува и не може да стигне на време на доктор. Главна пречка во тоа е една планина во нејзиното родно место. По ова, Манџиј секој ден со чекан, длето и метална шипка ја копа планината и се обидува да ја пробие. По 22 години, со истиот овој алат и упорност, тој успева да направи прооден пат низ планината. Сега Боливуд сними и филм за него.

Пред да почнеме со предрасуди треба да се има предвид дека Принцезата Амалија е 11-годишната ќерка и првородено дете на актуелниот холандски крал Вилем Александер, и дека таа ќе биде негова наследничка холандскиот трон. Следствено на тоа е и целиот стил на живот што го има, вклучително и тргнувањето и помпата поврзана со првиот училишен ден за годинава.

Теми за размислување по гледање на клипот:

- Улогата на човекот кој ја раскажува приказната и неговиот агол.

- Дали Карате кид и новото дете што доаѓа да решава проблем во туѓ град се основата на американската геополитика во последниве 30 години, во која САД генерално ги решаваат проблемите со интервенирање на туѓа почва?

- Можно ли е толку да сме биле заслепени и да не сфатиме дека Даниел е негативецот, а не тој плавиот?

- Дали Мијаги има демонски моќи?

Е па нема бољи видеа од овие што сериски се онесвестуваат кога ќе ги заџитка тоа чаталот во Луна парк. Сите видеа исти па сепак....

Никлас е 4 годишно Германче кое оди во градинка. Има ли во неговата градинка ауслендери?

Посветеност, пожртвуваност, внимание, правовремено реагирање. Емотивно видео.

За ова ли се откажавме од тепање жени?

"Веќе ми недостасува тој тип. Требаше да ни даде шанса да се простиме од него, А го гледав и на Олимпијада а после и на она одвратно шоу кое жена ми го гледа во кое тој само се мота позади и никој не го слуша".

Во првото поле ти внесуваш што имаш да внесеш како плата. Во второто е Опра, па хирург, па медицинска сестра, наставник, програмер, Леброн Џејмс, ЦЕО-то на Дискавери комуникејшнс и уште неколку. Тајмерот почнува и на сите ви брои за колку време ќе заработите за бургер, патики, телевизор, автомобил или куќа (по американски цени).

5 средношколски професори од Кина заминуваат на размена во Британија. Таму се ангажирани во едно од поуспешните средни училишта во земјата, според рангот на националните тестови. Секој од петмината има свој предмет, каде тераат според методологијата од Кина. На крај нивните ученици ќе бидат тестирани наспроти учениците кои учат по англиска програма.

Во време на "се' е убаво, ама логото да го направиш поголемо" нарачки за дизајн, Мерцедес вади кампања за оригинални делови за Мерцедес, со порака "Еден дел од тебе повеќе не е Мерцедес-Бенц", во која успева да постигне сосема ново ниво на суптилност. Ајде на повеќе, да се проверите.

Глобалната мантра која прави нормални луѓе да имаат константно блажен израз на лице, како да преживеале мозочен удар, налага дека во живот треба да бидеш позитивен и оптимист. Наспроти ова, песимизмот врши далеку повеќе работа.

Едните не мрдаат од шанк, вторите играат на музика, третите веќе се загипсирани, Што бе немаме видео?

Единствен начин достоинствено да направиш селфи на свадба. Локално е промовиран на српска свадба, ама без проблем се адаптира на која било околина.

Ова наскоро ќе биде погледано од телевизија. Гејмингот станува озбилна работа, особено кога се игра за награден фонд од 18 милиони долари а победниците си одат дома со 6,6 милиони. Детал од овогодинешното финале во Дота 2.

Со финтата за долар месечно претходно растурија со бричеви. А кога не сте по бричот, тогаш сте по брадата.

Ако некогаш ве интересирало колку калории има во 10 раце пуканки, одговорот е - 77. Една лента сланина? 55 калории. 20 бадеми? 138 калории. 1 чаша сок од портокал? 117 калории. Не измислуваме, такви се бројките. Ако ви се брои што се' сте изеле на еден оброк, еве ви го сајтот за сите ваши нервози.

Телеевангелистите се една од малкуте ступидни работи на кои сите овие години успешно им пркосиме да не си ги нагрбачиме сами на себе. Од сам старт сме запоседнати со гатачи и исцелители, кои и покрај ограниченоста на целата нивна логика, успеваат да стигнат до неочекувано голема публика, меѓутоа не и да направат некоја страшна штета (со чест на исклучоците). Поентата на Џон Оливер е - тоа што некој е доволно наивен да верува во вакви работи, не значи дека треба да го злоупотребиш.

За сега цигарите главно се полоши само затоа што сме имале доволно време за да видиме колку се штетни. Тоа што првите се полоши, не значи дека вторите се добри.

Во јануари 2006-та, од ракетата Атлас 5 беше лансиран Нови хоризонти. Една година подоцна прелетува покрај Јупитер и ја користи неговата гравитација за да добие дополнителна сила и да стигне до Плутон. Кога стигна таму, ги вклучи инструментите и почна да собира податоци.