Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Бондовското видео на шпионката која сака во Конгресот

Дента кога ЦИА мораше од Русија да извлече свој топ шпион откако неговиот идентитетот беше компромитиран од фушерајската администрација на Трамп, поранешна шпионка на ЦИА чиј идентитет своевремено беше загрозен од првиот помошник на Дик Чејни (подоцна помилуван од Трамп), со јако видео ја најави својата кандидадура за Конгресот. Да, таа ја вози колата, тоа е дел од обуката во ЦИА. 

И Кејтлин да чуе некој виц за Кејтлин

Кејтлин Џенер беше дел и тема на добар дел стендапи и вицови што се раскажаа од моментот кога Брус одлучи да стане Кејтлин. Речиси ниту еден од овие вицови, барем во јавност, не беше кажан пред Кејтлин. Блејк Грифин се погрижи да го исправи тоа.

Махери под притисок

Квин, Ени Ленокс и Дејвид Боуви ја вежбаат „Under Pressure“. Квин си шијат како стари занаетлии, Ени концентрирана за да може да биде прецизна во високото а оној Боуви е факинг фраер дури и во тенџере плаво сако. Позади некаде, редот си го чека Џорџ Мајкл... Херојски времиња.

Што прашања имаат децата?

Конверсејшн е австралиски новински веб-сајт кој главно се занимава со вести, анализи, истражувања и колумни на политички теми, и гледа тоа да го направи колку може побалансирано. Меѓу другото, сајтот има и посебна рубрика која нема врска со ништо од тоа, туку е за одговарање на прашања поставени исклучиво од деца, а одговорите доаѓаат од експерти на темата. И сето тоа функционира фантастично, децава стварно имаат поинтересни прашања од тоа што мислите, на кои стварно не знаете да одговорите.

Децата секогаш се исти, ние отидовме у курац

Нормално, го памтам првиот ден во школо. Кај нема да го памтиш, ебате, кога учителката имаше мустаќи ко Вук Караџиќ, мајко моја мила. Не знаеш дали си дошол во школо или на воена вежба.

Три баби на грас

Три англиски бабички доаѓаат во Амстердам решени за прпват во нивните животи да вдишат малку од тамошната култура. Резултатот е спектакуларно симпатичен. Вакво нешто треба да им следува и на овдешните пензионери, за да олабават малку на оние утрински емисии.

Септемвриска чистка во Јутјуб

Видео платформата соопшти дека отстранила преку 100.000 флегнати видеа, во согласност со новите правила за говор на омраза. Изгорени се и 17.000 канали и 500 милиони коменари на нив. Сè за ваше добро, чиста мисла и мирен сон.

Геј да ве погали

Соголена од инструменти и пратечки вокали, песната „I Heard it Through the Grapevine' оставена само на еден од најубедливите Мотаун гласови на сите времиња, гласот на Марвин Геј, човекот кој загина од раката на својот татко.

Без старца нема ударца

Во западниот свет оваа дупачка завршува или со смеење или со по некоја збунета фаца. Во арапскиот тоа се доживува малку посериозно.

Два-три (брзи) збора за Honeyland

Во идеален свет, или вие би го разбрале секој збор или ние би ви понудиле комплетен транскрипт од мислењето на Џејмс Шоу за македонскиот документарец Медената земја. Бидејќи овој свет таков не е, само ќе ви кажеме: му се свиѓа. 

Авенџерс: Организација

Марвел филмовите се достигнување по повеќе сериозни основи дури и без да се земат предвид компјутерски ефекти и камери. Она што нас нè воодушевува е организацијата, поточно што некој треба на секој од овие да им каже што да прават, и сите заедно, кореографирано, да го послушаат него. За нас на пример организациски успех е да пуштиш некого во продавница по 3 работи, а да не ти се врати со една заборавена и една згрешена.

Трудот е новиот бог а работата религија

Следете го својот сон, држете со до она што навистина го сакате, чувајте ја својата страст... се дел од оние пораки кои познати лица често им ги упатуваат на штотуку завршени студенти, продавајќи им го „лажниот американски сон“ кој ќе го имаат само малкумина. Едноставно, многу работи кои постојат на пазарот се просто одвратни и се сведуваат на тоа да продаваш нешто и да правиш пари за газдите.  Оттука, оние чиј идентитет и смисла на постоењето се сведуваат на нивната работа, да не се чудат ако еден ден ќе се почувствуваат некако прегорени.

По трагата на една фотографија

Изгледа како да се на погреб или пак оддаваат едноминутно молчење за некој починат, но не е тоа. Луѓето не се простуваат со некој што заминал, туку помагаат некому да остане.

Кај отиде светот

Тројца FX артисти коментираат добри и лоши страни на филмски сцени кои се работени со компјутерска графика. Се разбира, махерите имаат неверојатно чувство за детали но најфасцинантно е што нè потсетуваат на кои сè „ситници’ треба да се мисли и работи за една сцена да изгледа уверливо.

Арон Краскал и неговите проблеми

Ако не го, треба да го знаете Арон Краскал. Тргна со смешни онлајн видевца на разни платформи за денес да работи со Кевин Харт и слични. Има неколку добри рубрики, оваа ни е омилената: кога зборува по телефон за да ги шокира оние кои несакајќи го слушаат.

Сарамзалино: 1.000 војници на 1.000 жени. А дете нема.

ЈНА своевремено побарала од словенечкиот режисер, камерман и директор на фотографија Карпо Година (инаку, роден во Скопје), да им направи прописен војнички филм. Карпо ги зема парите и им го прави ова - малтене хипи - филмче, потег за кој требало многу кохонес.

Пет причини за да се баталат Фејсбук и Гугл

Клипот е на DuckDuckGo, интернет пребарувачот кој држи до тоа дека е посветен на штитење на приватноста и на тоа да не ги профилира корисниците за да им ги филтрира резултатите на нивните пребарувања. 

Базирано на вистинити поплаки

Британски Канал 4 собира сила да ги прочешла критиките што ги добива од гледачите за од нив да извади нешто малку од малку воспитано што може да се искористи за маркетинг и ги става во реклама, и тоа многу успешно.

Леб и сол. What a band!

Дали ќе ги начекавте во Драмски театар, во Антички во Охрид, во Битола или каде било, Влатко, Бодан, Кокан и Гаро правеа концерти кои се слушаа во еден здив. Да ги ѕирнете коментарите на Јутјуб, да видите што е тоа консензуалност, од Хрватска до Африка.

Комшија Паспаљ

Ти го мислиш Паспаљ дреме на некоја плажа во Шпанија, индексира што сè поминува по песокот, стратешки позициониран на некој шанк, ама не, човекот има и попаметна работа. Паспаљ (кошаркарската легенда со сите свои светски злата, слава и пари) два месеца, сам самцат, те со косилка, те со мотика, те со ножици, го средува заедничкиот двор пред зграда, за себе и сите комшии. Става и кош, само сега нема кој да игра, или сите се старки или се многу мали. Александар Ѓорѓевиќ, Дејан Томашевиќ и српскиот кошаркарски сојуз го средуваат ова.

Микропукот во целата своја ужасност

Пред три години ова му се случи на Скопје, кога за неполна минута го потопи цел град. Снимкава е од некој сличен настан и прилично e вознемирувачка без разлика колку е направена од далечина. Тоа долу е цел град, тоа горе се на прва регуларни облаци.

Патлиџан не е за во фрижидер

Мада ако јадете од тој тиква патлиџанот од супермаркети веројатно не треба ни најмалку да се потресувате околу вкус на патлиџан бидејќи одамна се имате откажано од истиот. П.с, и путер не е за во фрижидер, ама за тоа друг пат.

Болсонаро се претргна

По зголемениот меѓународен притисок во врска со рекордниот број пожари во Амазонија и ветувањето на Болсонаро дека, ако треба, ќе биде испратена војска, тој, како да ви кажеме, го исполни ветувањето. Еуроњуз тврди дека против илјадниците пожари кои секојдневно ги голтаат шумите, бразилскиот претседател испратил - дури два авиона за гасење.

Како апси норвешката полиција

Не може една норвешка битанга да биде толку наапана и непријатна колку што двајца норвешки полицајци можат да се изнасмеат на неговото пиздење. Па уште и кога овој ја скрши пластичната чаша што му ја дале, полицаецот му вика дека ќе му донесе друга. А чисто за контраст, ќе тркнеме и до САД.