Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Годината на Јутјуб и годината на Гугл

Минатата година Ривајнд видеото на Јутјуб стана видео со најмногу негативни гласови на цел Јутјуб. Годинава видеото им е најбезбедната варијанта - компилација од „нај“ видеа на платформата за 2019. Гугл, стандардно, безбедено и колку-толку да се огребе од трендовски теми.

Се најде шамар и за Василиј

Василиј е онаа голема руска мечка која шамара луѓе и понекогаш лубеници, при што првите ги враќаше во детство, а на вторите им менуваше агрегатна состојба. Е, па, имало и за него мерка. 

Вака е на Запад? Купено!

Петминутно потсетување на некогаш фамознoто италијанско шоу Non è la RAI (1991-1995), шоу кое масовно ја прекрстуваше социјалистичката младина во апостолски подмладок на капитализмот и кое на овие простори произведе повеќе прозападни фаци од од сите проекти на усаиди и воиси на америка. Тие што тогаш поверуваа дека „азното само ќе си дојде“, ене ги денес, кмишат по кладилници.

Би Би Си се побуни

Ретко се случува британскиот јавен сервис да излезе вака и да се побуни против игногирањето од страна на политичар. Но не само што ретко туку првпат им се случува да имаат таков повод. Борис Џонсон одбива да им дојде во емисија па решија јавно да му ги постават прашањата на кои тие не можат да ги добијат одговорите. 

Трамп ќе прави нов НАТО со Македонија

Како одговор на видео снимката на која се гледа како европските лидери се подбиваат на негова сметка, изневерениот Доналд Трамп во средата соопшти дека официјално формира покул и помоќен НАТО со неговите нови пријатели Македонија, Оман и Суринам.

Трамп е Трамп и кога Макрон е Макрон

„Затоа тој е голем политичар. Ова беше еден од најдобрите НЕ-одговори кои ги слушнато во “, му рече во фаца Трамп на Макрон откако го отслуша неговиот опширен одговор на провокацијата „Да не сакаш едни фини ИСИС борци? Можеме да ти ги дадеме“..

Минути за руска пропаганда

Молиме за малку тишина. Јарослав Сумишевски и Ерболат Турлубеков имаат нешто да ви кажат. Во еден суптилен хибриден напад на синхронизиран двоглас.

Урбано, слободно, на точак

Да не знае човек на што попрво да се одушеви: на спектакуларните вештини на Фабио Вибмер, на одлично скоцканото видео или на тоа какви раат градови има за возење точак.

Рекламата што годинава победи за Божиќ

Видеото е на мала британска семејна продавничка за алат и сличен репертоар. Приказната е дека самите ја смислиле, снимиле и направиле, а единствени пари што дале биле 100 фунти за песната (сето ова, и посебно цената, сериозно ни се оспорени од луѓе што работат снимање реклами). На страна кој, колку и што платил, ова е рекламата што секој бренд сака да ја има за божиќната кампања.

Може ли да биде спасено Црното море?

Ние од континентална Македoнија можеме само да бидеме пакосни па да се тешиме дека да беше тоа море убаво, немаше да го викаат Црно. Но, сериозен проблем има најзагaденото европско езеро кое на неколку земји кои го делат, со децении им служи како контејнер. А не дека секоја надеж е изгубена.  

Зошто секогаш имаш (и ќе имаш) место за десерт

Може само да се помириш со фактот дека си прасе што ќе изеде сè што ќе му стават пред него. Може и да не се помириш со тоа и да им дозволиш на научнициве да ти креираат алиби за душманските прејадувања што ти претстојат.

Се кладиме дека Ајфон не е за отворање пиво?

Ако си решен да пробаш, направи си услуга сам на себе и прво изгледај го клипов со еден твој истомисленик.

Како се почитуваат полни линии

Во земјата од кое потекнува видеото, веста е дека на пат се нашла крава. Кај нас, вест е како во онолкава колона не се најде ниеден вол, од „оние паметните“.

Ако немаат леб, нека јадат лажни вести

Нема кој не ја знае онаа прочуена изрека „Ако немаат леб, нека јадат колачи“ која ѝ се припишува на Марија Антоанета а се наведува како вонвременски пример за тоа колку моќните знаат да бидат забегани и надвор од реалноста. Така е тоа, само што не е фер госпожа Марија да ја памтиме по нешто што никогаш не го рекла.

Зошто Епл е толку скап?

Затоа што им се може? Затоа што уште ги купувате? Затоа што е поквалитетен? Затоа што се алчна корпорација што гледа да направи што е можно повеќе пари? Затоа што е полесен за користење од сите други? Затоа што е поквалитетен? Затоа што и Гучи не нуди ништо повеќе па лупа цени? Затоа што имаш премногу пари па не ни размислуваш околу цената? Заради сите овие работи заедно?

Во јапонскиот парламент се пробуваа шлемови за земјотрес

Јапонските парламентарции натнаа расклопувачки пластични шлемови на глава, како дел од редовна вежба за однесување за време на земјотрес. Ваков СВОЗ (сите во одбрана и заштита) нивниот парламент уведе во 2017 година. Ова со шлемовиве изгледа нестварно цепки. Кај нас во парламент има пар такви главоњи, ќе треба од оние новине контејнери на Шилегов да стават на глава, ако веќе мора и тоа да се спасува.

Ви се прават ЦВ-а?

Зошто на вашето следно залудно пријавување на наместен оглас за вработување да не се претставите со врвно скоцкано ЦВ? Ако ништо друго барем вие да си го направите меракот колку профи ви изгледало ЦВ-то.

Децата се најголемо богатство, со исклучоци

Нормален човек не може да се чувствува добро кога ќе види сцена како возрасен човек соборува мало дете на земја. Освен...

Алтернативниот крај на Аполо 11

30 години по слетувањето на Аполо 11 на Месечината, беше обелоденето дека Никсон имал и бекап говор, во случај работите да тргнат на лошо, мисијата да пропадне а луѓето да загинат. Уште 20 години подоцна, тој алтернативен говор  на претседателот, напишан од Вилијам Сафир, го оживува никој друг туку лично Никсон. Се рабира, со дипфејк технологија.

Ако сакате напнатост, гледајте првенство во решавање Рубикова коцка

Обично нашето искуство е дека ништо околу Рубиковата коцка не е брзо. Нивното е поинакво. Од светското првенство во решавање Рубикова коцка. Двајцава се од Германија и се браќа. И кој да го знае дека сè ова може да биде вака тензично.

 

Време за мапи

Каде има Нетфликс, од каде доаѓаат компирите, кој живее подолго а кој пократко од Американците, во кои држави уште вирее гермсанската аристократска лоза, како изгледаат денешните граници на Балканот во однос на римските провинции....

Саша Барон Коен против Фејсбук

1. Платформата на Закерберг е најголемата пропагандна машинерија во историјата. 3. Да беше Хитлер жив, сега комотно ќе си бусташе постови на Фејсбук. Третата поента на Коен ќе ви ја пренесеме во оригинал бидејќи лесно се памти: „Freedom of speech is not freedom of reach“. Добри се тоа поенти само што не сме сигурни кон што водат решенијата. Закерберг да оценува кој може а кој не? Нели ќе биде тоа бетер?

Лелеј, каков Френк Запа со Доналд Трамп!

Автор на ова бравурозно лудо музичко парче е Матијас Лунгвист. Слушнете како тоа звучи и каква структура има песната и веднаш ќе ви стане јасна референцата со Френк Запа. А по малку и со Стили ден (вокалите на 1:57). Секоја чест.