Има и нов тизер што ни дава да ѕирнеме од прилика како ќе изгледа, има нов живот, ново име, нови пријатели/жртви (како сакате) и имаме и датум.
Серијата се снимаше минатава година во Лондон, во Ројал Холовеј универзитетот, и во Париз каде што го оставивме во трета сезона.
Со промената на локација, Беџли најави и нов „вајб“:
„Тонот е сличен, но се менува во однос на форматот,“ изјави во интервју за Ентертејнмент Тунајт. „Како малку да го менуваме жанрот. И мислам дека е добро.“
Врска немаме што би значело тоа.
Да се потсетиме: Откако ја уби еднакво нездравата сопруга Лав, Џо сценираше убиство-самоубиство, го остави бебето кај пријатниот колега Данте и се качи на авион по новата опсесија - Мариен.
Заплетот на четвртата сезона изгледа ќе биде околу Џо и Мариен во Лондон - таму Џо влегува во ера на проблематичен професор. Го користи името професор Џонатан Мур, има брада и носи костуми од твид.
Се враќа Тати Габриел како Мариен, а иако досега научивме дека му се враќаат и жртвите како халуцинации, не е потврдено дека Елизабет Лејл (Гвеневир Бек) и Викторија Педрети (Лав Квин) ќе се појават.
Сепак, Беџли има кажано дека треба да очекуваме да се враќаат луѓе: „Има други познати лица што мислам дека ќе се вратат,“ изјави во интервјуто од погоре. Ова највеќе личи дека ќе биде сега веќе попопуларната Џена Ортега што го играше девојчето што Џо го штитеше во втора сезона.
Првата половина од серијата доаѓа на 10 февруари, 2023.
И има трејлер:
Види и:
