Во филмот ќе ја игра Мадам Роса, Еврејка со преживеан холокауст која помага да се израснат децата на починати сексуални работнички со кои и самата своевремено мерела улици. Во еден момент се спријателува со Момо, 12-годишно сенегалско сираче што се обидува да ѝ ги украде свеќниците.
Ова ќе биде втора филмска адаптација на истоимениот роман на Роман Гари, после 1977 - имаше филм со истиот наслов, а во главната улога беше Симон Сињорет.
Премиерата ќе биде во октомври, во Рим и месец дена подоцна ќе се појави на Нетфликс. Дедлајн известува дека се спрема и сериозна кампања за Оскар.
Лорен инаку има снимено два Оскари - во 1961 за „Две жени“ и еден почесен, за „кариера богата со впечатливи изведби која придонела кон филмската уметност“.
Вели дека веднаш се согласила да го игра ликот кој ја потсетувал на нејзината мајка, а досега два пати има работено со син ѝ.
Едоардо Понти има 46 и е второ дете на Софија со режисерот Карло Понти со кој беше во брак од 1966 до неговата смрт во 2007. Најавува и дека улогата (каде во еден момент од нејзе се бара да не трепка некое време) ќе ѝ овозможи да покаже досега невидени актерски способности.
Добро, имаме филм на список за ноември.
