Оние чудни кореографии и отворање уста со пуштена песна им носат милиони, додека дури и новинари на Вајс, каде што луѓе би сакале да придонесуваат, огорчено кукаат дека се мачат, додека некој се шутка по дома во хеланки и прави илјадарка во минута.
Ова откритие е инаку од Форбс, каде што се објави листа на ТикТокерите со најголема заработувачка и популарност. Адисон Реј Истерлинг, втората најследена на платформата има најмногу заработено - 5 милиони долари. А ни колегите не заостануваат многу - една шеснаесетгодишна има 4 милиони во последните 12 месеци, сестра ѝ, со 18 има 2,9 милиони, греота. И така надолу оди по список, ама не помалку од милион.
Да се потсетиме, ова се деца - и да сакаат да имаат вложено труд и образование за вам да не ви биде криво - не можат затоа што НЕМААТ ДОВОЛНО ГОДИНИ.
А со оглед на тоа што само што почнуваат, плус добиваат и свое реално шоу, веројатно допрва ќе гледаме до каде можат да одат.
Смејте се вие кога ќе ги видите како изводат, се смеат и тие. Само што кога ќе им се приплаче, нос ќе избришат со пари, како на филм, затоа што им се може.
