Јапонската индустрија за видеа за возрасни е обемна и континуирано продуктивна, има постојан прилив на нови лица, но сепак, зад таа динамика постои еден структрен дисбаланс кој (веројатно од мака) сè почесто се анализира - мажите се драматично помалку бројни од жените.
Актерите се ограничен ресурс, па се пречесто ангажирани и многу интензивно работат. Во пракса, тоа значи дека релативно мал круг изведувачи учествува во голем број продукции, понекогаш снимајќи повеќе сцени во текот на еден ден.
Причини има многу - прво финансиските услови за почетници се помалку конкурентни, потоа, можностите за застапување преку специјализирани агенции се ограничени. На крај, општествената стигма поврзана со професијата останува значаен фактор - за дел од потенцијалните кандидати, тоа носи ризици кои се прелеваат и надвор од работната сфера. Како резултат, дел од продукциите се потпираат на повремени или хонорарни изведувачи, кои не ја работат оваа дејност како примарна професија, туку влегуваат во неа селективно.
Инаку медиумите често се расфрлаат со сериозни бројки и разлики - дека има околу 70 активни машки актери наспроти илјадници актерки, како и дека индустријата произведува околу 4.000 нови видеа месечно. Иако овие проценки не се целосно потврдени, сепак ја одразуваат перцепцијата за изразениот дисбаланс.
