Прво, да се помириме дека грдите чизми очигледно немаат намера никаде да одат, напротив, имаат намера да не преплават. Толку е полно сѐ со „моите чизми се погрди од твоите“, што некои од нас уште патат што не можат по продавници (дури и по странство!) да си најдат класични модели.
Откако ќе се помириме, можеме да почнеме да бараме убавина во новото. Затоа што, колку и да е чудно и неочекувано - токму тоа таму му лежи привлечноста. Како кај Версаче да речеме:
Или Ричард Квин. Кожни панталони што почнуваат од ѓон нагоре. Чудесно. Подоле има вакви и на Марк Џејкобс.
Или Москино! Насловот, со извичникот заради овие е. Колку им е нив гајле. И колку се овие чизми добри за кафе во маало, сфаќате ли вие.
А Монклер се труди сѐ со сѐ да ви одговара. Може и гаќи вакви продаваат.
Ех, Мајкл Корс. Ќе ти стане одбивен брендот затоа што секоја шуша што има Фешн ТВ дома досаѓа со Мајкл Корс ташна што виси од подлактица, ама Мајкл ќе смисли нешто вакво пре-прејако и немаш веќе проблем.
Еве, како што спомнав погоре, Марк Џејкобс:
Марк Џејкобс сакал да не се мачите посебно да купувате хеланки и штикли или чизми. Сакал сѐ да ви биде одеднаш овозможено.
Од цел список, Гучи е највеќе за пофалба. Ова е чудно, бизарно, проблематично за гледање, а истовремено е неваспитано и безобразно на начин што те тера да пробаш да се замислиш во него. И бидејќи на пиедестал е ставена уникатноста, Гучи веројатно е на врв, од тука.
Особено во споредба со Габриела Хрст. За Гучи, Хрст како да работи во Геокс.
И сега Ферагамо. Мислете што сакате, ама ова не е од „доброто грдо“.
Ова е безидејното, досадно грдо:
Дури тука малку ја оправаат работата. Не дека се најдобрите чизми што сте ги виделе, ама занимливи се.
И како за врхунски бренд, и Фенди доста јако се мести кај глупото грдо.
Што да му правиме на моделов, на пример:
Еве на овој може и може нешто да му се најде фино. Поточно, не - на деталите на него може да им се најде фино - моделот е сѐ уште тапа.
Бурбери, интересно, ама... така.
И еве го Брендон Максвел.
Од таму решаваат да се држат до проверено, чисто колку да нѐ освежат од бои и „моето е погрдо од твоето.“
И на крај Ботега Венета. Ни најдобро, ни најлошо.
Ама во секој случај, секоја чест за ново, индивидуално, уникатно и несекојдневно. Има да се изнагледаме чизми за неколку месеци.
-од Харперс Базар
