Обично со романтични комедии веднаш сме инспирирани за вљубување, врски и слично, но има еден филм на Нетфликс, се вика The Life List и после него гледачите ги ставаат нивните романтични врски на вага.
Се работи за жена што се справува со смртта на мајка ѝ и после сето тоа, дознава дека наследство може да добие само ако постигне сè на „животниот список“ што си го напишала на 13.
Ова го предизвикува главниот лик да поработи на животот, што изгледа успеало да ја инспирира и публиката. Си поставуваат секакви егзистенцијални прашања и ако се гледа филмот, појасно е зошто е тоа така.
Има коментари на социјални мрежи од типот „филмот ми ги подигна стандардите“, „многу е добар и отвора очи“ и „плачев седум пати и ме натера да размислам за иднината, дури и каков партнер би сакала да имам.“
Животниот список содржи забавни работи како пробување стендап, тетовирање и кампување под полна месечина, но и длабоки, како смирување со таткото и наоѓање вистинска љубов. Прашањата за вистинската љубов се:
- Дали е љубезен?
- Дали можам сè да му кажам?
- Дали ми помага да бидам најдобра верзија од себе?
- Можам ли да го замислам како татко на моите деца?
Изгледа тука запнуваат врските на гледачите.
Океј, ајде да го гледаме, па кој преживее...
