Се бунеше против бришење на зборот „жени“ од јазикот, се бунеше против инхибитори за пубертет кај деца и заради сето ова беше пречекана со омраза и палење книги и многу, многу закани и клетви.
На ништо од ова не се потресе, не престана да поддржува возрасни што си бркаат работа и претставници на ЛГБТ популацијата.
Последно што се случи и со кое некои луѓе не знаат како да се справат е што, на нечие обраќање, во одбрана на луѓето кои не се чувствуваат свои во сопствената кожа (коментар, кој е сега избришан), Роулинг рече:
„Воопшто не ме лути. Отсекогаш сум верувала дека возрасните со родова дисфорија можат да најдат мир само после операција и земање хормони. Мило ми е што си среќна.“
Магазинот them веќе пелтечи и потсетува на „целата непоправлива штета што ја има нанесено на транс-популацијата“ и сепак не се снаоѓа со „неочекуваната“ подршка од писателката.
Сепак, изгледа не им се слушало претходно, затоа што Роулинг во ниеден момент не ги напаѓаше транс-лицата кои си бркаат работа и се трудат да живеат како што им се живее без да пречат никому:
„Го почитувам правото на секоја транс-личност да живее на начин автентичен и удобен за него или неа. Ќе марширам со вас ако сте дискрминирани врз основа на тоа што сте транс. Во исто време, мојот живот е моделиран во однос на тоа што сум жена. И не мислам дека правам штета со тоа што ќе го кажам тоа.“
Потоа, спомна транс-жена со која се дружи:
„Објективно гледано, има физички карактеристики што го прават очигледен фактот дека не е родена како жена, но е нежна и забавна личност и никогаш не сум кажала за неа нешто друго освен „таа“ и „неа“. Совршено ми е лесно да си ги сфатам моите симпатии кон неа и моето искуство со неа како некој со многу женска енергија, со верување дека нема буквално променето пол (а и таа не верува дека има променето пол)“.
Вознемиреното толкување на овие аргументи на Роулинг е тука.
А имавме и:
Не е лесно да си контра Џ.К. Роулинг
