Република „немаме пари во буџетот за пристојни плати во образованието“ Македонија за 66 милиони евра од Франција ќе купи системи за противвоздушна одбрана.
Што е до министерката за одбрана ние немаме (ниту пак некогаш било спомнато дека имаме) безбедносна закана од воздух, ама системот мора да се купи.
Од министерството не го соопштуваат ни моделот на противвоздушниот систем што ќе се набавува и дали тој ќе има домет подалеку од Ќустендил.
Моменталната карта на НАТО членки околу Македонија (со сино е НАТО, светло сино се кандидати за НАТО):
Фејсбук е преплавен со групи од типот „Барам превоз/нудам превоз“, „Превоз Скопје Битола“ итн...
Двајца другари направиле апликација која може да го реши тој хаос - сите барања и понуди за превоз на едно место! Целосно бесплатно (без никакви трошоци за регистрација и корисници - и за патници и за возачи), без никакви ѕвездички и ситни букви.
Ептен на почеток се па изгледа празно, ама затоа сте вие тука.
Десетици илјади луѓе демонстрираа на централниот плоштад во Загреб поради тоа што владата не почнала со расчистување на повеќе од 30.000 тони отпад кој ја загадува водата и природата во Лика.
Лани на локација близу Госпиќ беа откриени меѓу 34.000 и 37.000 тони отпад – од кој голем дел бил увезен од Италија во 2023 и 2024 година. Владата вети дека ќе ја исчисти локацијата, но еколошките групи тврдат дека е постигнат мал напредок.
Вјекослав Бушиќ од иницијативата „Госпиќ е наш дом“ побара од Владата во рок од 20 дена да претстави сеопфатен план за санација на загадените локации, со јасни и обврзувачки рокови. Организаторите на маршот бараат отстранување на 33.000 тони закопан отпад во рок од три месеци, итна забрана за увоз на отпад во Хрватска и одговорност за пропустите.
„Мора итно да ја утврдиме одговорноста на сите оние што молчеа и не презедоа ништо. Тука не смее да има компромис“, истакна Бушиќ.
