Вести › Набрзинка

За Германците во пензија плус 2.000 евра ако останат на работа

15 октомври 2025

Германските пензионери што ќе се решат да продолжат да работат, ќе добиваат плата до 2.000 евра, без даноци, згора на пензијата. На платата ќе се плаќа социјално осигурување.
Шемата Aktivrente би требало да се спроведува од јануари. Канцеларот Мерц објави дека ова ќе помогне да се надмине економската стагнација на земјата и недостатокот од квалификувана работна сила како последица од демографската криза.
Во следната деценија во Германија во пензија ќе заминат околу 4,8 милиони луѓе, што е 9% од вкупната работна сила. Без најмногу работници ќе останат градежништвото, образованието и здравството.
Активната пензија ќе биде овозможена за сите лица по возразста за задолжително пензионирање од 67 години, освен за јавни службеници, трговци, земјоделци и шумари.

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.