- Меѓу исчистените диви депонии е и таа во Ѓорче која со површина од над 10.000 метри квадратни беше една од најголемите.
- Најавата на Град Скопје е дека на дел од исчистените депонии ќе биде посадено зеленило.
- Паралелно со ова дополнително е ангажиран и Инспекторатот на Град Скопје „за лоцирање и санкционирање“ на сите што свесно загадуваат, или фрлаат кабаст отпад на јавни површини.
- Британскиот јавен бродкастер му се извини на американскиот претседател за монтажата на неговиот говор во една нивна емисија кога два различни дела од негов говор беа споени во еден дел со што се добива комплетно поинаква смисла на она што тој го кажа на 6 јануари 2021, пред немирите во Капитол.
- Корпорацијата ги отфрли барањата за обештетување, откако адвокатите на Трамп се заканија дека ќе поднесат тужба за отштета од 1 милијарда долари доколку Би-Би-Си не го повлече материјалот, не се извини и не се спогоди со него.
- Би Би Си вети дека нема да го репризира спорниот документарец со манипулативната монтажа, скандал кој повлече оставки на првите луѓе на куќата и одделот за вести, Тим Дејви и Дебора Турнес.
- Во моментов, главниот град на Бугарија има 33.000 паркинг места за кои се плаќа. Од 5-ти јануари 2026-та ќе има 88.000.
- Од тој датум и ќе поскапи паркирањето. За еден час во сината зона која сега чини два лева, ќе се плаќаат две евра. Во зелената зона, часот наместо еден лев ќе чини едно евро.
- Се бараше и црвена зона во строгиот центар на градот во која би биле привилегирани само станарите но таа идеја не беше прифатена.
- Во меѓувреме, со заем од 400 милиони лева, градот купува нови тролејбуси, трамваи и автобуси на струја и плин.
