- „Можат да се шеткаат колку сакаат, нема ништо од тоа. Завршено е со нивната шарена револуција“, порача српскиот претседател Александар Вучиќ од денешниот масовен митинг во Белград насловен „Не ја даваме Србија.“
- „Кога буквално немавме ни динар во буџетот, кога требаше да намалиме дел од пензиите и платите, сфативте дека ја лечиме земјата, за денес да имаме највисоки плати и пензии од кои не сме задоволни, но се повисоки од кога било во српската историја. А во тоа успеавме благодарение на вас“, рече Вучиќ.
- Додуша, Шаровиќ знаеше и поинаку да го попие:
- Собирот започнал со настап на Баја мали Книнџа а музика пуштал Жељко Митровиќ, газдата на медиумската империја Пинк..
- Украина извела силен напад со дронови поради што се затворени два битни аеродроми кои го опслужуваат рускиот главен град.
- Руската против-воздушна одбрана срушила девет дрона кои се движеле кон Москва а запалена е хемиска фабрика на 30 километри од Кремљ.
- Во меѓувреме, Русија соопшти дека за првпат во тригодишната инвазија, навлегла во источната украинска област Дњипропетровск што е прва поголема територијална ескалација во последно време.
- Дњепропетровск е важен рударски и индустриски центар за Украина, а подлабокото руско напредување во регионот би можело да има сериозен негативен ефект врз војската и економијата на Киев, кои се во криза.
- Колумбискиот десничарски сенатор и сериозен кандидат за претседателската трка идната година, Мигел Урибе Турбај, беше застрелан додека им се обраќаше на своите приврзаници во квартот Моделија во Богота.
- Најверојатно бил застрелан в грб и глава и веднаш пренесен во болница во која, како што пиша неговата сопруга, се бори за живот.
- Градоначалникот на Богота потврди дека осомничениот атентатор е уапсен а министерот за одбрана, Педро Санчез понуди награда од три милијарди колумбиски пезоси (715.000 долари) за информации кои ќе водат во идентификација на сите вклучени во заверата.
- 39 годишниот Мигел Урибе Турбај е десничарски ориентиран сенатор и влијателен член на опозициската партија Демократски центар, основана од поранешниот претседател Алваро Урибе (не се во крвно сродство). Тој е внук на поранешниот колумбиски претседател Хулио Сезар Турбај и син на новинарката Дијана Турбај, која беше убиена во 1991 година за време на неуспешна операција за спасување откако беше киднапирана од картелот Меделин на Пабло Ескобар.
- Десничарските кругови на социјалните медиуми потсетуваат дека пред Урибе, во Еквадор беше убиен десничарскиот кандидат, Фернандо Виљавиченсио, во Бразил, десничарот Болсонаро беше избоден со нож а во САД Трамп преживеа два обида за убиство.
