- Српскиот претседател Александар Вучиќ повика легитимни претставници од групата Студенти во блокада и од други граѓански здруженија на јавна дебата пред камери од сите телевизии и портали.
- „Србија своите проблеми мора да ги решава со демократски дијалог, а не со насилства. Ги повикувам претставниците на блокадерското движење на разговор и јавна дебата за визиите, да разговараме за нашите планови и програми за иднината и сите заедно да го осудиме насилството на нашите улици“, порача Вучиќ.
- Во видео-обраќањето тој како своја грешка го призна тоа што „не се трудел доволно да ги сослуша нивните барања“ и истакна дека е спремен да се сретне со тројца-четворица претставници избрани од движењето - професори, политичари или студенти.
- „Без судири, без насилство, да ја обновиме повторно земјата, да ја вратиме на вистински колосек, повторно да ни расте економијата и луѓето да бидат задоволни поради тоа што се слуша и почитува сечиј збор... Ова е мојата понуда. Повеќе од фер“, порача Вучиќ.
- Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
- Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
- Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
- За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
- Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
- Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
- Просекот е 7 урагани во сезона, од кои 2 до 3 се во септември.
- Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
- Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
- Најмалку, само по два, имало во 1982 и 2013 година.
