Иле Гоцевски, возачот на Итната медицинска помош кој почина по трагичната несреќа во Кочани, а превезе голем број пациенти, ќе биде постхумно одликуван, најави денеска министерот за здравство Арбен Таравари.

„Тој ден сите работевме повеќе од 20 часа. Јас немам информација колку часа возачот работел, меѓутоа неспорно е дека направил огромна работа со превозот на пациенти. Како министер за здравство планирам следната недела да го викнам неговото семејство и постхумно да го одликувам“, изјави Таравари.

Тројца од повредените во пожарот во Кочани се пуштени дома, состојбата на другите е стабилна.

„Ова е четврт ден по трагедијата, сите пациенти што се лекуваат во државата и во странство се во стабилна состојба, а повеќето се подобруваат. Од вкупно 20 пациенти кои беа во критична состојба, денеска константираме дека 10 се потешки, но се стабилни“, изјави Таравари.