- Додека некои од нивните колеги прават годишни профити од над 100.000 евра, четворица извршители минатата година ја завршиле во минус.
- Топ 10-те извршители имале нето добивки од 78.000 до над 130.000 евра.
- Кај 95 извршители кои имале добивки, завршиле 3,4 милиони евра профит. Кај четворицата загубари, вкупната загуба изнесувала 12.630 евра.
- Легендите се викаат Александра Заринска-Дуровска, Роза Родиќ, Горан Манојлов и Игор Антевски.
- 15.000 килограми кисели краставички увезени од Индија се задржани во магацин во Словенија откако во нив бил откриен парацетамол.
- Присуството на лекот кој се користи за спуштање на температурата кај луѓе било потврдено и со дополнитена анализа во приватна лабораторија и тоа во концентрација од речиси 30 милиграми по килограм.
- Засега не е јасно дали се работи за ненамерна грешка или пак некои во Индија стварно користат парацетамол за киселење зимница.
- Донација од 130 милиони долари од анонимен пријател на Доналд Трамп ќе биде насочена за исплата на припадници на воените служби за време на блокадата на владата, потврди американското министерство за одбрана.
- „Донацијата беше дадена под услов да се искористи за плати и бенефиции на припадниците на службата“, изјави портпаролот на Пентагон, Шон Парнел, додавајќи дека парите се прифатени според „општото овластување за прифаќање подароци“.
- „Користењето анонимни донации за финансирање на нашата војска покренува вознемирувачки прашања дали нашите трупи се изложени на ризик буквално да бидат купени и платени од странски сили“, изјави сенаторот од Делавер, Крис Кунс.
- Ако се земе предвид дека на платен список на Пентагон се 1,3 милиони активни војници, донацијата покрива 100 долари по војник.
