- Стотици луѓе му направија сачекуша на американскиот потпретседател на неговото доаѓање со семејството на скијање во резортот Шугарбуш во Монтана за да му дадат до знаење дека не го одобруваат она што тој и Трамп му го приредија на Зеленски во Овалната соба.
- Се носеа стадардни транспаренти против него и Трамп, против Путин и за поддршка на Украина. „Венс е предавник. Оди па скијај во Русија,“ пишува на еден од нив.
- Некои му забележааа на Венс што му затребале слободни денови после само шест недели на функција.
- Кина ќе ги зголеми за уште 34% царините за увоз на американски производи, како одговор на тарифите од вкупно 54% што Трамп ги воведе за увоз на кинески производи. Новите кинески царини ќе се спроведуваат од 10 април.
- Пекинг објави и строга контрола на извозот на ретки минерали во САД, и ја прошири листата со „недоверливи“ американски ентитети, на кои задржува право да им воведе казнени мерки.
- Трговската војна ја спушти цената на нафтата на најниско ниво по пандемијата. Откако Пекинг го објави одговорот на тарифите, цената на барелот нафта падна за 3,5% на 66,66 долари.
- Токио најави дека ќе ги ограничи цените на горивата за да ги заштити домаќинствата од финансиски удар, додека бара начини да ги избегне најавените тарифи од САД. Премиерот Шигеру Ишиба побара итен телефонски разговор со Трамп.
- „Калибрирана“ контра на тарифите од САД најави и ЕУ. „Ќе одговориме спокојно, промислено и единствено. Нема да пукаме од појас“, изјави еврокомесарот за трговија Марош Шевчович.
