Вести › Набрзинка

Велибор Манев: Прашајте го Палевски зошто ја уби Вања

19 март 2025

– Што се случи, зошто ми го убивте детето? – праша Александар Ѓорчевски, таткото на убиената Вања.
– На тоа прашање не можам да одговорам, треба да го прашате Палевски, тој што го изврши тоа – рече Манев.
„Таткото Александар прв пат го видов на слика од телефон на распит во полициска станица. Таму прв пат ми беше посочено кој е и што е човекот. Кажав и дека бев физички малтретиран и тепан во полициска станица за да кажам дека сум видел дека Палчо разговара со Сашко“.
„За изјавата од 6 декември, сакам кратко објаснување. Тогаш бев во безумие од тортурата што ми беше направена во самиот затвор. Бев истрауматизиран, 40 минути бев во исчекување да ми дојде редот за тепање по стапала до крв, како што им направија на другите тројца. Редоследот беше Александар, па Боре, па Кешишев. Мене ме земаа кога го вратија Кешишев во келија. 40 минути слушав вриштења од тепањето. Толку сум бил избезумен што кажав дека ќерка ми работи во Словенија, а не е точно“, рече Велибор Манев, еден од обвинетите за убиството на Вања и Панче.
По убиството, Палчо заплилил цигара и отворил телефон. „Тогаш виде што се случува на интеренет и колку врева се кренало“, додаде Манев.
Во меѓувреме, еден од адвокатите на Палевски, Марјан Витановски, се откажа од неговата одбрана. Палевски продолжува да го брани адвокатот Јовица Страшевски.

извор

Д-р Светлана Мојсов избрана за почесен професор на УКИМ

19 јуни 2025

Професорката д-р Светлана Мојсов, една од најеминентните хемичарки во светот, е избрана за почесен професор (Professor honoris causa) на Универзитетот „Св. Кирил и Методиј“ во Скопје. Одлуката ја донесе Сенатот на УКИМ, по номинацијата од Природно-математичкиот факултет во Скопје, чиј интегриран дел е Институтот за хемија.
Д-р Мојсов, заедно со д-р Џоел Хабенер и д-р Лоте Бјере Кнудсен, во изминатите две години добија многу светски научни награди за нивниот револуционерен придонес во развојот на пептидот 1 (GLP-1) сличен на глукагон со што го трансформираа третманот на дијабетес тип 2, помагајќи им на милиони луѓе ширум светот.
„Не ми беше важен ниту профитот, ниту признанието – туку вистината. Науката е должност кон човештвото, а најголемата награда за мене се пациентите кои денес живеат подобро благодарение на тоа што го започнавме пред четири децении.“, рече таа на Глобалниот женски појадок 2025, организиран на Институтот за хемија.

Види и: Науката ја исправи неправдата кон Светлана Мојсов

извор

Ванковска: Мултиполарност, македонска перспектива

19 јуни 2025

Да, ние сме „суверени“, но само на хартија. Во пракса, Македонија и понатаму се третира — како и кон крајот на 19 век — како пион на шаховската табла на големите сили. Нашето сонце официјално изгрева на Запад, а политичката елита со задоволство жртвуваше јазик, историја, дури и името на државата, за да влезе во клубот на НАТО.
Денешниот империјализам често не доаѓа со чизми и бајонети. Тој доаѓа со конференции, партнерства и „техничка помош“. Тоа е неоколонијализам во кроена облека — а нашите елити, од политичари до академици, служат како негови локални преведувачи.
На Украина ѝ беше кажано: спротивставете се по секоја цена — затоа што правдата е на ваша страна. На Македонија ѝ беше кажано: откажете се од името и од минатото — и ќе бидете наградени. Но совеста боли исто.

извор