Вести › Набрзинка

Велевска: Балдската тргнала за Коњиќ, па се загубила во преводот

11 октомври 2024

Своевремено имав напишано една колумна со наслов „За јазикот на штркот“ во која се обидував да апелирам за малку посериозен пристап кон преводот (препишувањето) на информациите, особено на оние што ги „позајмувавме“ од северниот сосед.
Неодамна дел од порталите на подбив го зедоа брзоплетиот превод на зборот свастика, со кој се опишува нацистичкиот симбол, кој некој недоволно внимателен самонабеден новинар го превел како балдска.
И кога веќе зборуваме за преводите, за сета оваа елаборација да не биде попуста, можеби ќе подразбуди некого, ќе подотвори некои чакри, па задолжените за тоа ќе се сепнат и ќе се обидат да стават некаков ред на преводите што ни се пласираат на кабелските телевизии.

п.с. Погледнете ја најобемната колекција на медиумски безумности на македонски јазик.

извор

Таравари ја напушта власта

12 мај 2025

По речиси еден месец тактизирање, Таравари го најави излегувањето од Владата со проценка дека подобро е да има пет градоначалници отколку двајца министри.
Мицкоски веќе им посака среќа во опозиција, иако, како што рече, не ги разбира зошто од власт одат во прегратките на ДУИ на Али Ахмети.
Главната битка на „одметнатата Алијанса“ е како да ги задржи петте пратеници. Токму нивното единство од една страна ќе значи дека АА ќе има пратеничка група, а од друга дека Вреди, односно власта, со само девет пратеници од заедниците ќе нема Бадентерово мнозинство.

извор

Берлин со ултиматум за Москва, Кремљ враќа: Не играме така

12 мај 2025

Германија и постави ултимативно барање на Русија до крајот на денот да се изјасни за понудата за 30-дневно примирје за да избегне нови санкции од Европа.
„Часовникот отчукува. До крајот на денот остануваат 12 часа. Ако Москва не го прифати барањето (за примирје) ќе бидат покренати подготовки за нови санкции“, изјави претставникот на германската влада Штефан Корнелиус.
„Јазикот на ултиматуми е неприфатлив за Русија, не можете да разговарате со Русија на таков јазик“, врати портпаролот Димитри Песков.
Русија и досега не се возбудуваше многу од санкциите што ѝ ги наметнуваше Европа поради воената интервенција во Украина.
Европските лидери во саботата од Киев побараа безусловно 30-дневнo примирје, почнувајќи од денеска. Владимир Путин возврати со предлог Русија и Украина да се сретнат на преговори в четврток во Истанбул.

извор