- Со 186 дарувани единици крв, 68-годишниот Јордан Коларов е балкански рекордер во крводарителство, донирајќи над 83 литри крв до неговата 65. година од животот.
- Tри години по последното дарување, чичко Дончо ужива во пензионерскиот живот задоволен што спасил стотина животи донирајќи ја својата крвна група 0 +.
- „Да имавме правило, како во Бугарија, на пример, ќе дарував уште 60-ина крвни единици, што ќе значеше дека ќе спасев уште десетици животи“, вели Коларов.
- Израел ја затвори Црквата на Светиот Гроб и ги откажа велигденските служби, наведувајќи безбедносни закани поради војната со Иран.
- Иако се под иста закана, синагогите во Израел се отворени.
- Дури ни Иран не ги затворил црквите.
- Местото на Христовото воскресение во Ерусалим никогаш не било затворено толку долго во изминатите 2.000 години, дури ни за време на Крстоносните војни ни за светските војни. Пристапот на верниците, сепак, привремено беше ограничен за време на пандемијата пред шест години.
- Отецот Ибрахим Фалтас, поранешен чувар на Светата земја, побара од израелските власти да ги отворат христијанските светилишта барем за Страсната недела.
- „Со задоволство можам да ви кажам дека сите отворени прашања се веќе затворени. Немаме некое прашање поврзано со законот коешто не е третирано“, изјави министерот за здравство, Азир Алиу, најавувајќи дека новиот закон за пушење/непушење ќе влезе во владина процедура на 24 март.
- Една од клучните новини е што терасите ќе можат да функционираат како дел за пушење и со две отворени страни, наместо со претходно предложените три. И кровот ќе се третира како „страна“.
- „Дополнително, ќе се воведе обврска угостителските објекти да имаат посебен влез за делот каде што се пуши, со цел јасно да се одделат зоните за пушачи и непушачи“, изјави Алиу кој очекува дека за две години процентот на пушачи да се спушти од 45% на под 20%.
