Вести › Набрзинка

Вакцинални единици за брзо етикетирање

29 ноември 2021

Колумна на угледниот хрватски новинар Бранимир Пофук за она што му се случувало откако бил виден на загрепскиот протест против ковид пропусниците, протест кој, како и секоја друга побуна денес, бива толкувана како антиваксерска.
„Отидов таму како демонстрант, длабоко загрижен со она што се случува со нашите држави и општества. Како новинар, драгоцено ми беше искуството кое следуваше, баражниот оган од згрозување, навреди и секакви обвиненија темелени на самиот факт на моето присуство на протестот, и од тоа изведените заклучоци за моите неизговорени мисли и ненапишани зборови“.
Никој од луѓето со кои бев опкружен пред, за време и после протестот, не заслужуваат етикети какви што на сите ни ги лепат, пишува Пофук за Вечерњи.

13 август 2025

Уапсен е скопјанец кој фрлал камења кон полициски хеликоптер што гаснел пожар.
Настанот се случил на 6 јули, кога хеликоптерот Белл 412 приоѓал до вливот на реката Лепенец во Вардар за да наполни вода. Пилотите забележале лице кое влегло во коритото и фрлало камења кон леталото, со што била директно загрозена безбедноста на екипажот.
Поради тоа биле принудени да го променат местото на полнење на вода.

13 август 2025

Кинеската влада ги прекина сите врски со чешкиот претседател Петр Павел поради тоа што му го честитал роденденот на Далај Лама.
Павел на 27 јуни го посетил тибетскиот верски лидер во Индија, каде што половина век живее во егзил.
„Средбата е сериозно нарушување на политичката заложба на чешката влада и го повредува суверенитетот и територијалниот интегритет на Кина. Поради сериозноста на провокативната акција на Павел, Кина реши да ги прекине сите односи со него“, објави Министерството за надворешни работи.
Поранешниот чешки претседател Вацлав Хавел му беше близок пријател на Далај Лама.